fbpx
Mánudagur 10.desember 2018
Eyjan

Háskalegt að vera markaðsmaður ársins

Egill Helgason
Þriðjudaginn 6. nóvember 2018 09:39

Saga viðskipti á Íslandi virðist sýna að það er eitt sem kaupsýslumenn þurfa að forðast að lenda í – það er að vera kjörinn „markaðsmaður ársins“.

Fjölmörg dæmi eru um að markaðs- eða viðskiptamenn ársins hafi, stuttu eftir að þeir fengu nafnbótina, stefnt lóðbeint í þrot.

Síðasta dæmið er Skúli Mogensen, stofnandi WOW flugfélagsins. Skúli var valinn markaðsmaður ársins af ÍMARK, samtökum markaðsfólks, í desember síðastliðnum eins og sjá má í úrklippunni úr Mogganum hér að ofan.

Fyrir stuttu fór Skúli á stúfana og ætlaði að safna hlutafé til að að koma WOW fyrir vind, eins og er í tísku að kalla það nú. Það var svo tilkynnt með pompi og prakt að þetta hefði tekist – félaginu hefði verið tryggt framhaldslíf.

Eitthvað hefur þetta verið málum blandið fyrst Icelandair hirðir WOW stuttu síðar fyrir smáaura. Í september var talað um að heildarvirði WOW yrði 44 milljarðar króna. Í gær var tilkynnt að kaupverðið væri rétt rúmir 2 milljarðar króna. Það er himinn og haf milli veruleikans og þess sem markaðsmaðurinn sagði.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 9 klukkutímum

Össur argur út í stjórnvöld: „Þetta er náttúrulega skandall!“

Össur argur út í stjórnvöld: „Þetta er náttúrulega skandall!“
Eyjan
Fyrir 9 klukkutímum
Frestur liðinn
Eyjan
Fyrir 3 dögum

Krefur Hafnarfjarðarbæ um fjórar milljónir vegna brottvikningar

Krefur Hafnarfjarðarbæ um fjórar milljónir vegna brottvikningar
Eyjan
Fyrir 3 dögum

Meirihluti Alþingis vill afsögn sexmenninganna

Meirihluti Alþingis vill afsögn sexmenninganna