Eyjan

Icelandair kaupir WOW air – „Mik­il tæki­færi til hagræðing­ar“

Ritstjórn Eyjunnar
Mánudaginn 5. nóvember 2018 12:03

Samkvæmt tilkynningu Icelandair til Kauphallar Íslands er stjórn félagsins búin að gera kaupsamning um kaup á öllu hlutafé WOW air, með fyrirvara um samþykki Samkeppniseftirlitsins og niðurstöðu áreiðanleikakönnunar.

Söluverðið er 2,18 milljarðar miðað við skráð hluta­bréfa­verð Icelanda­ir í Kaup­höll­inni.

Flugfélögin tvö verða áfram rekin undir sömu vörumerkjum.

Hluthafar WOW munu eignast alls  272.341.867 hluti sem gagngjald fyrir hlutafé, eða sem nemur 5,4 prósent hlutafjár í Icelandair Group. Þar af er 3.5 prósent hlutafjár gagngjald fyrir hið selda hlutafé, eða 178.066.520 hlut­ir. Gagngjaldið getur hækkað í 4,8 prósent og lækkað í 0 prósent útfrá ákveðnum forsendum áreiðanleikakönnunar.

Sameiginleg markaðshlutdeild félaganna á markaði yfir Atlantshafið er um 3,8 prósent, en samkvæmt tilkynningu gest tækifæri til sóknar á nýjum markaði og einingarkostnaður Icelandair Group er sagður lækka.

Tækifæri til hagræðingar og nýr kafli

„WOW air hef­ur á und­an­förn­um árum byggt upp sterkt vörumerki og náð mikl­um ár­angri á mörkuðum fé­lags­ins, til og frá Íslandi og yfir Atlants­hafið. Það eru mik­il tæki­færi til hagræðing­ar en fé­lög­in verða áfram rek­in á eig­in for­send­um und­ir eig­in vörumerkj­um og flugrekstr­ar­leyf­um. Íslensk ferðaþjón­usta er grunnstoð í ís­lensku  hag­kerfi og það er mik­il­vægt að flug­sam­göng­ur til og frá land­inu séu í traust­um skorðum,”

segir Bogi Nils Bogason, starfandi forstjóri Icelandair.

Skúli Mogensen, forstjóri og stofnandi WOW, segist stoltur, en nú taki við nýr kafli:

„Ég er mjög stolt­ur af þeim ár­angri og þeirri upp­bygg­ingu sem við hjá WOW air höf­um náð á und­an­förn­um árum og er jafn­framt  þakk­lát­ur fyr­ir þær frá­bæru viðtök­ur sem við höf­um fengið frá fyrsta degi. Við höf­um byggt upp öfl­ugt teymi sem hef­ur náð eft­ir­tekta­verðum ár­angri og verið brautryðjandi í lággjalda­flugi yfir Norður-Atlants­hafið. Nú tek­ur nýr kafli við þar sem WOW air fær tæki­færi til að vaxa og dafna með öfl­ug­an bak­hjarl eins og Icelanda­ir Group sem mun styrkja stoðir fé­lags­ins enn frek­ar í alþjóðlegri sam­keppni“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Opnunarhátíð Veltis
Eyjan
Í gær

Krónan í frjálsu falli og Villi varar við verðbólgu: „Sýnir okkur ruglið sem er í kringum þessa blessuðu verðtryggingu!“

Krónan í frjálsu falli og Villi varar við verðbólgu: „Sýnir okkur ruglið sem er í kringum þessa blessuðu verðtryggingu!“
Eyjan
Í gær

Blikur á lofti með raforkuframboð hefðbundinna orkukosta næstu árin – Nýrra leiða leitað í skýrslu Þórdísar

Blikur á lofti með raforkuframboð hefðbundinna orkukosta næstu árin – Nýrra leiða leitað í skýrslu Þórdísar
Eyjan
Í gær

Meðalsölutími á sérbýli orðinn svipaður og á fjölbýli

Meðalsölutími á sérbýli orðinn svipaður og á fjölbýli
Eyjan
Í gær

Forstjórar íhuga dómsmál gegn ríkinu vegna kjararáðs

Forstjórar íhuga dómsmál gegn ríkinu vegna kjararáðs