Gengi hlutabréfa í Icelandair hefur rokið upp eftir að opnað var fyrir viðskipti með bréf félagsins. Þetta gerist í kjölfar tilkynningar um kaup Icelandair á Wow air.
Lokað var fyrir viðskiptin tímabundið í morgun til að tryggja jafnræði fjárfesta og að allir hefðu aðgang að sömu upplýsingum. Opnað var fyrir viðskiptin aftur klukkan 13 og er óhætt að segja að þau hafi farið hratt af stað. Þegar þetta er skrifað hefur Icelandair hækkað um rúmlega 50 prósent í dag en til samanburðar hefur gengi bréfa í Sjóvá hækkað um 6,0 prósent og VÍS um 5,25 prósent.
Er gengi bréfa í Icelandair fór upp í 12,5 en var 7,95 þegar viðskipti hófust í morgun. Gengi bréfanna er núna í um kringum 11.
Úrvalsvísitalan hefur hækkað umtalsvert í dag, við upphaf viðskipta í morgun stóð hún í 1604 stigum en fór upp í 1708 stig.