Forsíðufrétt í Mogganum í dag er býsna afhjúpandi. Skilaboðin eru í raun: Ef þið krefjist hærri launa, þá taka vélarnar við af ykkur.

Þetta er býsna köld kveðja – og ekkert sérlega taktísk– inn í kjaraviðræður.

En að miklu leyti er þetta náttúrlega satt. Tæknibyltingin sem við stöndum frammi fyrir, hin mikla sjálfvirknivæðing, er öll á forsendum fjármagnsins.

Það eru kapítalistarnir sem búa sig undir að hirða allan arðinn af henni. Það þykir eiginlega sjálfsagt. Við sjáum merki þess í vaxandi ójöfnuði. Af frétt Morgunblaðsins verður ekki annað skilið en að eigendur búðanna telji að sé sjálfsagt að við tæknibreytingar taki þeir til sín stærri hlut.

Eitt stærsta verkefni samtímans er hvernig á að deila arðinum af tækniframförum á réttlátan hátt – í fréttinni er vísað til fjölgunar öryrkja. Er það hugmyndin að þeir sem verða undir í slagnum við sjálfvirkni vélanna endi uppi sem bótaþegar?

Þetta er mjög nöturleg framtíðarsýn.