Eyjan

Ekkert sem mælir gegn styttingu vinnuvikunnar

Ritstjórn Eyjunnar
Miðvikudaginn 17. október 2018 15:00

Arnar Þór Jóhannesson, sérfræðingur hjá RHA.

Stytting vinnuvikunnar hefur almennt haft jákvæð áhrif á líkamlega og andlega líðan starfsmanna, gerir starf á vinnustöðum markvissara og dregur úr veikindum. Þetta kemur fram í nýlegri skýrslu Önnu Soffíu Víkingsdóttur og Arnars Þór Jóhannessonar hjá Rannsóknarmiðstöð Háskólans á Akureyri. Arnar Þór, sérfræðingur hjá RHA, fjallaði um niðurstöður rannsóknarinnar á 45. þingi BSRB í morgun en um er að ræða tilraunaverkefna Reykjavíkurborgar og ríkisins um styttingu vinnuvikunnar án launaskerðingar, sem unnin hafa verið í samstarfi við BSRB.

Í skýrslunni kemur fram að bæði karlar og konur tali um að stytting vinnuvikunnar hafi auðveldað þeim að samræma vinnu og einkalíf og minnkað það álag sem er á heimilinu. Karlarnir töldu sig taka meiri þátt og axla meiri ábyrgð á heimilisstörfum en hún var svipuð hjá konum. Vistunartími barna styttist og gæðastundir með fjölskyldu jukust. Þá er sérstaklega minnst á að samskipti við bæði vinnufélaga og fjölskyldu eru betri og létt hefur á heimilunum eftir að vinnuvikan var stytt.

Einnig kemur fram að þátttakendur í tilraunaverkefnunum upplifðu almennt bætta líkamlega og andlega heilsu og meiri orku, sem nýtist bæði í vinnu og utan hennar. Þá eykst starfsánægja.

Arnar sagði fólk nota þann tíma sem það fær með styttingu vinnuvikunnar á mismunandi hátt en flestir þátttakendur telji að miklu muni um styttinguna. Margir nefndu að þeir hefðu meiri tíma fyrir börnin, tómstundir, félagslíf, halda tengslum við foreldra og ættingja, sjálfsrækt og þrif. Athylgi vekur að ekkert í skýrslunni virðist benda til þess að stytting vinnuvikunnar hafi einhverja ókosti. Hér má lesa skýrsluna í heild sinni: Stytting vinnuviku_BSRB_Rvk

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Opnunarhátíð Veltis
Eyjan
Í gær

Krónan í frjálsu falli og Villi varar við verðbólgu: „Sýnir okkur ruglið sem er í kringum þessa blessuðu verðtryggingu!“

Krónan í frjálsu falli og Villi varar við verðbólgu: „Sýnir okkur ruglið sem er í kringum þessa blessuðu verðtryggingu!“
Eyjan
Í gær

Blikur á lofti með raforkuframboð hefðbundinna orkukosta næstu árin – Nýrra leiða leitað í skýrslu Þórdísar

Blikur á lofti með raforkuframboð hefðbundinna orkukosta næstu árin – Nýrra leiða leitað í skýrslu Þórdísar
Eyjan
Í gær

Meðalsölutími á sérbýli orðinn svipaður og á fjölbýli

Meðalsölutími á sérbýli orðinn svipaður og á fjölbýli
Eyjan
Í gær

Forstjórar íhuga dómsmál gegn ríkinu vegna kjararáðs

Forstjórar íhuga dómsmál gegn ríkinu vegna kjararáðs