Það er undarleg markaðssetning að skrökva íbúðakaupum upp á þekkt fólk, í þeirri von að eftirspurnin aukist. Beckham-hjónin hafa ekki skoðað neinar íbúðir við Hafnartorg, það veit ég fyrir víst. Svo fólk verður bara að taka ákvörðun um fjárfestingar þarna út frá, tja, kannski ööörlítið skynsamlegri forsendum?

Í gær skrifaði ég lítinn pistil, frekar alvörulausan, vegna fréttar um að hjónin David og Victoria Beckham hefðu skoðað íbúð á Hafnartorgi – væntanlega þá með það fyrir augum að kaupa. Í fréttinni var beinlínis fullyrt að þau hefðu farið og kíkt á penthouse-íbúðina í byggingum. Það var líka sagt að þau hefðu komið hingað vegna vinskapar við Björgólf Thor Björgólfsson.

Ofangreind ummæli eru eftir Ragnhildi Sverrisdóttur, sem er talsmaður Björgólfs Thors, hér á Íslandi. Hún segist semsagt vita fyrir víst að Beckham-hjónin hafi ekki skoðað neina íbúð við Hafnartorgið. Moggafréttin virðist reyndar vera horfin.