Haraldur Benediktsson, þingmaður Sjálfstæðisflokksins í Norðvesturkjördæmi, hyggst hverfa af þingi vegna veikinda. Haraldur greinir frá þessu á Facebook-síðu sinni í dag:

Kæru vinir, eins og einhver ykkar vitið hef ég verið að glíma við veikindi í sumar og haust. Sýkingar í kviðarholi og víðar – til að takast á við afleiðingar þeirrra, og koma í veg fyrir verri er mér ráðlagt að taka mér hvíld frá þingstörfum. Verð samt eitthvað á ferli – en mest slakur og latur. Fannst rétt að þið fréttuð þetta frá mér með þessum hætti – því eðlilega er spurt um fjarveru mína. En þetta gengur allt vel.

Mun Teitur Björn Einarsson taka sæti á Alþingi í fjarveru Haraldar.