fbpx
Föstudagur 14.desember 2018
Eyjan

Borgarstjóri fer í veikindaleyfi: „Vil ekki að það gangi tröllasögur um að ég liggi fyrir dauðanum“

Ritstjórn Eyjunnar
Föstudaginn 12. október 2018 08:30

Dagur B. Eggertsson, borgarstjóri

Dagur B. Eggertsson, borgarstjóri, hefur tekið sér nokkurra daga veikindaleyfi. Hann greindist með fylgigigt fyrr í sumar, sem er sjaldgæfur gigtarsjúkdómur, í kjölfar alvarlegrar kviðarholssýkingar. Þetta skerðir hreyfigetu hans og getur flakkað á milli liða og lagst á líffæri. Nú hefur sýking í kviðarholi tekið sig upp að nýju og neyðist Dagur því til að taka sér frí frá störfum í nokkra daga.

Fréttablaðið skýrir frá þessu í dag. Blaðið hefur eftir Degi að hann ætli ekki í lengra veikindaleyfi að sinni. Hann þurfi að jafna sig og því sinni staðgenglar störfum hans á meðan. Hann sagðist vonast til að verða orðinn betri eftir helgi en þurfi þá að meta stöðuna með læknum sínum.

Dagur komst ekki í Kastljósið á miðvikudaginn, þegar braggamálið var rætt. Í hans stað mætti Þórdís Lóa Þórhallsdóttir oddviti Viðreisnar og ræddi við Vigdísi Hauksdóttur frá Miðflokknum. Þórdís gat litlu svarað til um málið annað en það, að hún þekkti ekki til þess.

Dagur vildi í samtali við Fréttablaðið ekki slá því föstu að vinnuálag eigi hlut að máli hvað varðar veikindi hans. Honum hafi fundist meðferðin ganga vel. Hann er á sterkum krabbameinslyfjum til að halda gigtinni niðri.

Fréttablaðið hefur eftir Degi að honum þyki verra að vera ekki í hringiðunni þegar mikið mæðir á eins og núna.

„Ég tók það skref í sumar að segja frá því að ég væri með þennan sjúkdóm og vissi ekki hvernig framhaldið yrði. Það var kannski til þess að það kæmi ekki á óvart ef ég væri oftar með staðgengla eða legði línurnar öðruvísi. Það eru vonbrigði að í fyrsta sinn sem ég hef þurft að taka frí, fari strax á loft samsæriskenningar. Ég vona að lærdómurinn sé ekki sá að manni hefnist fyrir að vera opinn. Ég vil ekki að það gangi tröllasögur um að ég liggi fyrir dauðanum,“

sagði Dagur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 9 klukkutímum

Fylgi Miðflokksins hrynur – Framsókn rýkur upp

Fylgi Miðflokksins hrynur – Framsókn rýkur upp
Eyjan
Fyrir 9 klukkutímum

Laganefnd Lögmannafélagsins segir dómsmálaráðuneytið ljúga til um samráð vegna uppreist æru

Laganefnd Lögmannafélagsins segir dómsmálaráðuneytið ljúga til um samráð vegna uppreist æru
Eyjan
Í gær

Sanna Magdalena: „Áætlað að 202 börn búi í atvinnuhúsnæði“

Sanna Magdalena: „Áætlað að 202 börn búi í atvinnuhúsnæði“
Eyjan
Í gær

Skúli Mogensen: „Að stofna og reka fyrirtæki er ekki beinn og breiður vegur, hvað þá flugfélag“

Skúli Mogensen: „Að stofna og reka fyrirtæki er ekki beinn og breiður vegur, hvað þá flugfélag“
Eyjan
Í gær

Vilhjálmur tekur Framsókn til bæna: „Allt svikið enn og aftur!“ – Rassskelltir svo fast að það nánast blæðir

Vilhjálmur tekur Framsókn til bæna: „Allt svikið enn og aftur!“ – Rassskelltir svo fast að það nánast blæðir
Eyjan
Í gær

Jákvæð tekjuafkoma hins opinbera

Jákvæð tekjuafkoma hins opinbera