fbpx
Sunnudagur 17.febrúar 2019
Eyjan

Sanna segir Strætó stunda brotastarfsemi: „Ég krefst þess að Strætó borgi starfsfólki sínu þau laun sem það hefur unnið sér inn“

Ari Brynjólfsson
Fimmtudaginn 11. október 2018 10:30

Sanna Magdalena Mörtudóttir, borgarfulltrúi Sósíalistaflokksins. Samsett mynd/DV

Ekki missa af Helstu tíðindum dagsins í pósthólfið þitt

Lesa nánar

Sanna Magdalena Mörtudóttir, borgarfulltrúi Sósíalistaflokksins, segir að Strætó BS hafi innheimt húsaleigu og flugmiða af fyrrverandi bifreiðastjóra fyrir hönd erlendrar starfsmannaleigu. Segir hún á Facebook að hún hafi undir höndum launaseðil mannsins sem sýni að Strætó hafi tekið 70 þúsund krónur af laununum hans fyrir leigu á herbergi sem hann deildi með öðrum. Upplýsingafulltrúi Strætó sagði í samtali við blaðamann Eyjunnar að verið væri að fara yfir málið þar innandyra og að yfirlýsingar væri að vænta frá Strætó í dag.

Sanna er harðorð í garð fyrirtækisins, sem er í eigu sveitarfélaganna á höfuðborgarsvæðinu: „Það er refsivert þegar fólk nýtir sterka stöðu sína gagnvart þeim sem veikar standa til að fá hina veikstæðu til að afsala sér réttindum.“

DV hefur fjallað ítarlega um stöðu erlendra starfsmanna sem eru ráðnir í gengum starfsmannaleigur og er gert að greiða stóran hluta launa sinna í leigu á húsnæði sem þeir deila með öðrum.

„Það hefur hins vegar ekki komið fram áður að Strætó bs., fyrirtæki í eigu okkar allra innheimtir þessa svívirðilega háu húsaleigu af bílstjórunum sem eru á lágum launum. Strætó er því virkur gerandi í níðingsskap starfsmannaleiga gagnvart bílstjórum Strætó,“ segir Sanna. Hvetur hún alla til að fordæma Strætó:
„Ég fordæmi framkomu Strætó bs. gagnvart starfsfólki sínu og hvet alla eigendur Strætó að gera það sama, alla íbúa á höfuðborgarsvæðinu. Ég krefst þess að Strætó borgi starfsfólki sínu þau laun sem það hefur unnið sér inn og hætti allri innheimtu fyrir hönd starfsmannaleiga og leigusala. Alla síðustu öld barðist verkafólk fyrir réttindum sínum og frelsi frá kúgun fyrirtækjaeigenda. Þegar opinber fyrirtæki á borð við Strætó tekur þátt í því að brjóta þessi réttindi niður verðum við að standa upp og segja stopp. Engan níðingsskap gagnvart erlendu starfsfólki í láglaunastörfum, og allra síst í okkar nafni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka