Ingvar Mar Jónsson, oddviti Framsóknarflokksins í Reykjavík fyrir síðustu kosningar, fór með íslensk strá í ráðhúsið í dag. Gjörningur Ingvars er væntanlega pólitísk ádeila á fjáraustur Reykjavíkurborgar í braggablúsnum, þar sem höfundarréttarvarinn innfluttur dúnmelur frá Danmörku kostaði 757 þúsund krónur, og þar af 400.000 sem fóru í gróðursetninguna.

Frá þessu segir Ingvar á Facebooksíðu sinni:

„Fór með íslensk strá í Ráðhúsið. Þau má nota í Nauthólsvík og einnig til að sópa út úr Ráðhúsinu.“

Framsókn náði ekki inn manni í síðustu kosningum, en lætur þó ekki sitt eftir liggja í gagnrýninni á braggablúsinn.

Ingvar bað um að kjörnir fulltrúar fengu stráin í sínar hendur:

„Ég týndi þetta nú bara hérna í Fossvoginum þar sem ég bý, þau kostuðu ekki neitt,“

sagði Ingvar við Eyjuna.