Út er að koma ljóðabók með eftirlátnum kvæðum eftir skáldið og söngvarann Leonard Cohen. Það er sonur hans, Adam Cohen, sem hefur umsjón með útgáfunni, en bókin kemur út nú í byrjun október og nefnist The Flame.

Leonard Cohen mun hafa verið að vinna að ljóðabókinni þegar hann lést, 82 ára.

Meðal kvæðanna í bókinni er þetta ljóð um Ísland. Cohen kom hingað 1988 og hélt fræga tónleika í Laugardalshöll. Myndin er af umslagi bootleg plötu frá tónleikunum.

Flying Over Iceland

over Reykjavik, the “smokey bay”
where W.H. Auden went
to discover the background
of all our songs,
where I myself was received
by the Mayor and the President
(600 miles an hour
30,000 feet
599 miles an hour
my old street number on Belmont Ave)
where I, a second-rater
by any estimation,
was honoured by the noblest
and handsomest people of the West
served with lobster
and strong drink,
and I never cared about eyes
but the eyes of the waitress
were so alarmingly mauve
that I fell into a trance
and ate the forbidden shellfish

Forsetinn og borgarstjórinn í kvæðinu eru væntanlega Vigdís Finnbogadóttir og Davíð Oddsson. Takið eftir því að hann kallar okkur göfugasta og myndarlegasta fólk Vesturlanda, en segir að hann sjálfur sé annars flokks.

Cohen talar um „forboðinn skelfisk“ í kvæðinu. Þeim sem er gyðingatrúar er meinað að borða skelfisk – hann er ekki kosher.