Ungir Píratar héldu aðalfund sinn um helgina í Hinu húsinu. Á fundinum var Vignir Árnason kosinn formaður Ungra Pírata.

Í kosningum til stjórnar voru eftirtaldir aðilar kosnir í stjórn Ungra Pírata sem aðalmenn: Vignir Árnason, Valborg Sturludóttir, Sigmundur Þórir Jónsson, Gamithra Marga og Hjalti Björn Hrafnkelsson.

Varamenn eru Sophia Kistenmacher og Einar Hrafn Árnason.

Hvetja til lækkunar kosningaaldurs

Eftirfarandi viljayfirlýsing nýkjörinnar stjórnar var samþykkt á fundinum:

„Við í stjórn Ungra Pírata hvetjum stjórnvöld til að lækka kosningaaldur í sveitastjórnarkosningum niður í 16 ár. Við skorum líka á stjórnvöld að búa þannig um að auðveldara sé fyrir ungt fólk á að kaupa sína fyrstu eign eða leigja. Við hvetjum jafnframt ungt fólk til að láta til sín taka í samfélaginu og minnum á að allir stjórnarfundir sem og aðrir fundir Ungra Pírata eru opnir öllum almenningi.“