fbpx
Eyjan

Tvö dæmi um lítt vandaða stjórnarhætti

Egill Helgason
Mánudaginn 17. september 2018 14:52

Stundum er spurning um að kunna sér mörk. Breytni manna í hlutum sem virka ekki sérstaklega stórir geta varpað ljósi á hugarfar þeirra.

Það er til dæmis komið á daginn að kostnaðurinn við hátíðarsamkomuna á Þingvöllum vegna fullveldisafmælisins var 87 milljónir króna, fór 41 milljón fram úr áætlun. Samkvæmt sundurliðuðum reikningi kostaði lýsingin 22 milljónir króna – um hábjartan dag.

Maður spyr – hvernig er hægt að gera svo vonda áætlun, að kostnaður við frekar litla samkomu næstum tvöfaldis. Og það  hlýtur líka að flökra að manni að aðstandendum þessa sé alveg sama, þeir kæri sig kollótta.

Hvernig er þá framganga þeirra þegar meira er í húfi?

Svo er það nýr forseti borgarstjórnar, Þórdís Lóa Þórhallsdóttir.  Hún er fyrrverandi formaður Félags kvenna í atvinnulífinu. Má jafnvel segja að það hafi verið stökkpallur  hennar inn í stjórnmálin. Þórdís hefur setið afar stutt í embætti.

Hún heldur veislu í Höfða 6. september. Veislan kostar 350 þúsund krónur – það er ansi vel í lagt. Fyrir það má fá mörg glös af freyðivíni og fjöldann allan af snittum.  Fréttablaðið segir að Þórdís hafi líklega brotið reglur borgarinnar um móttökur af þessu tagi. Þar segir að þær skuli ekki haldnar í tilefni af árlegum viðburðum nema þeir tengist Reykjavíkurborg sérstaklega.

En tengsl Þórdísar við boðsgestina vekja ekki síður athygli. Hún er að nota almannafé til að halda veislu fyrir vinkonur sínar og samherja – og það er henni sem er sérstaklega þakkað fyrir rausnarsemina á heimasíðu félagsins. Þar birtist þessi mynd úr veislunni.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Framsóknarmenn allra flokka hafa komið í veg fyrir lægra matvöruverð hér á landi

Framsóknarmenn allra flokka hafa komið í veg fyrir lægra matvöruverð hér á landi
Eyjan
Fyrir 2 dögum

Óánægja innan Viðreisnar vegna Braggamálsins – Telja flokkinn vera að svara fyrir klúður annarra

Óánægja innan Viðreisnar vegna Braggamálsins – Telja flokkinn vera að svara fyrir klúður annarra
Eyjan
Fyrir 3 dögum

Vegurinn svo slæmur að börnin kasta upp í skólaakstri og upplifa kvíða: „Má segja að þetta jaðri við barnaverndarmál“

Vegurinn svo slæmur að börnin kasta upp í skólaakstri og upplifa kvíða: „Má segja að þetta jaðri við barnaverndarmál“
Eyjan
Fyrir 3 dögum

Ríkisstjórnin tekur á móti 75 flóttamönnum á næsta ári – Flestir frá Sýrlandi – Hinsegin flóttamenn koma frá Kenýa

Ríkisstjórnin tekur á móti 75 flóttamönnum á næsta ári – Flestir frá Sýrlandi – Hinsegin flóttamenn koma frá Kenýa