Bjarni Benediktsson, fjármálaráðherra, mælti fyrir fjárlagafrumvarpi næsta árs á Alþingi í gær. Fyrstu umræðu lýkur í dag með þátttöku fagráðherra um einstaka málaflokka.
Fréttablaðið greinir frá því Þorsteinn Víglundsson, varaformaður Viðreisnar, hafi gert lítið úr orðum Bjarna Benediktssonar í gær þegar rætt var um stöðu ríkissjóðs.
Bjarni hafði bent á þá góðu stöðu sem þjóðarbúið væri í og hversu mikilvægt væri að styrkja félagslegan og efnahagslegan stöðugleika:
„Efnahagsuppbygging síðustu ára hefur skilað miklum árangri. Afgangur af viðskiptajöfnuði og af afkomu hins opinbera endur speglast í auknum þjóðhagslegum sparnaði en auk þess sem skuldir ríkissjóðs hafa verið lækkaðar hafa háar fjárhæðir verið greiddar inn á lífeyrisskuldbindingar.“
Þorsteinn svaraði að bragði, að allir skattar væru í hæstu hæðum og vildi vita hvaða skattar yrðu hækkaðir til að stemma af 200 milljarða útgjöld næstu fimm ára:
„Það er ekki sérstaklega merkilegur árangur í íslensku sveiflunni að skila ríkissjóði með afgangi á þessum tímapunkti. Það er hins vegar alveg sérstaklega merkilegur árangur að ná að eyða öllum þeim peningum.“
Bjarni sagði þá að ekki stæði til að hækka neina skatta.