Eyjan

Brynjar gefur lítið fyrir Pírata og Samfylkingu: „Þessi pólitík snýst alltaf bara um eitthvert upphlaup, oftast algjört bull”

Ari Brynjólfsson
Föstudaginn 14. september 2018 22:00

Brynjar Níelsson Veipar með tóbaksbragði.

Brynjar Níelsson, þingmaður Sjálfstæðisflokksins, gefur lítið fyrir Pírata og Samfylkinguna, telur hann þessa tvo stjórnarandstöðuflokka um að grípa eitthvað vinsælt og tala hátt um það. Brynjar hefur setið á þingi fyrir Sjálfstæðisflokkinn frá árinu 2013, hann er nú 2. varaforseti Alþingis og situr í bæði stjórnskipunar- og eftirlitsnefnd sem og efnahags- og viðskiptanefnd. Í ítarlegu viðtali við Brynjar í helgarblaði DV ræðir hann meðal annars um notkun sína á samfélagsmiðlum, þar á hann það til að láta fólk heyra það.

Þetta er brot úr stóru viðtali í helgarblaði DV.

Gefur lítið fyrir Pírata og Samfylkinguna

Á samfélagsmiðlum veigrar Brynjar sér ekki við að skamma þá sem hann telur það eiga skilið. „Þegar ég læt menn heyra það, þá er um að ræða fólk sem er búið að hrauna yfir einhverja aðra með ómálefnalegum hætti. Það er fyrst og fremst stóryrt fólk sem ég er aðallega að pota í. Ég ræðst almennt ekki á fólk sem á erfitt.“

Þegar farið er gróflega yfir skotmörk Brynjars virðist sem það séu helst Píratar og Samfylkingin sem hann hafi í sigtinu.

Fara þessir flokkar í taugarnar á þér?

„Eins ágætt fólk og það er þá finnst mér oft eins og ég sé að tala við einhverja á röngum stað í tilverunni. Píratar eru ekki að tala um neina pólitík, þeir eru bara eins og hverjir aðrir teknókratar, vilja að fá að vita hvar óskráðu reglurnar eru skráðar og eru alltaf að reyna að koma höggi á einhvern. Menn eru alltaf að ráðast á aðra stjórnmálamenn og saka um spillingu. Þau eru ekki að hugsa um samkeppnishæfni fyrirtækja eða hvað stendur undir velferð þjóðarinnar. Þegar maður lætur hagsmuni atvinnulífsins sig varða þá er maður sakaður um að standa með sérhagsmunum. Samfylkingin og Píratar, ég veit ekki fyrir hvaða pólitík þetta fólk stendur,“ segir Brynjar. „Þau grípa eitthvað sem er vinsælt og tala hátt um það. Þessi pólitík snýst alltaf bara um eitthvert upphlaup, oftast algjört bull, ekki hvað gagnast landi og þjóð. Að því leytinu gef ég lítið fyrir þessa flokka tvo.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 21 klukkutímum

Reykjavíkurborg leysir leikskólavandann: Kostar fimm milljarða næstu fimm árin

Reykjavíkurborg leysir leikskólavandann: Kostar fimm milljarða næstu fimm árin
Eyjan
Fyrir 22 klukkutímum

Segir tryggingarfélögin „mergsogin“ af eigendum: „Má ekki kvikna í húsi án þess að félögin sendi frá sér afkomuviðvörun“

Segir tryggingarfélögin „mergsogin“ af eigendum: „Má ekki kvikna í húsi án þess að félögin sendi frá sér afkomuviðvörun“
Eyjan
Fyrir 23 klukkutímum

Furðulegt frumhlaup sendiherra

Furðulegt frumhlaup sendiherra
Eyjan
Í gær

Gylfi stígur til hliðar um áramótin. „Nú siglir félagið inn í bjarta og spennandi tíma“

Gylfi stígur til hliðar um áramótin. „Nú siglir félagið inn í bjarta og spennandi tíma“
Eyjan
Í gær

Kvika kaupir GAMMA á lækkuðu verði

Kvika kaupir GAMMA á lækkuðu verði