fbpx
Fimmtudagur 21.febrúar 2019
Eyjan

Segja lækkun tryggingagjaldsins „langt frá“ því að vera nóg

Ritstjórn Eyjunnar
Þriðjudaginn 11. september 2018 15:04

Ólafur Stephensen, framkvæmdastjóri FA Ljósmynd: Haraldur Guðjónsson

Ekki missa af Helstu tíðindum dagsins í pósthólfið þitt

Lesa nánar

Áform í fjárlagafrumvarpi næsta árs, um að lækka tryggingagjald um hálft prósentustig á næstu tveimur árum, eru jákvæðar fréttir að mati Félags atvinnurekenda. Lækkunin gengur þó ekki nærri nógu langt; „árið 2020 mun enn vanta heilt prósentustig upp á að tryggingagjaldið verði sama hlutfall af launagreiðslum fyrirtækja og það var fyrir fjármálahrun,“ segir í tilkynningu.

Tryggingagjaldið er nú 6,85% af launagreiðslum fyrirtækja. Árið 2007 var það 5,34%. Eftir hrun var það snarhækkað og varð hæst 8,65% af launakostnaði árið 2010, eins og sést á myndinni. Síðan hefur gjaldið verið lækkað, en í afar smáum skrefum.

„Tryggingagjaldið var hækkað til að standa undir stórauknum útgjöldum vegna atvinnuleysis eftir fjármálahrunið. Forsendurnar fyrir hækkuninni eru löngu horfnar með minnkandi atvinnuleysi. Staðreyndin er sú að tryggingagjaldið er í vaxandi mæli notað til að fjármagna önnur útgjöld ríkissjóðs en því var ætlað,“

segir Ólafur Stephensen, framkvæmdastjóri Félags atvinnurekenda. Hann bendir á að tryggingagjaldið bitni einna harðast á minni og meðalstórum fyrirtækjum, þar sem laun eru stór hluti kostnaðar, og dragi úr samkeppnisfærni þeirra.

Í greinargerð með fjárlagafrumvarpinu kemur fram að þrátt fyrir áformaða lækkun tryggingagjalds muni það skila meiri tekjum í ríkissjóð á næsta ári en þessu. Þá kemur fram í frumvarpinu að lækkun tryggingagjalds sé ætlað að „stuðla að jafnvægi á vinnumarkaði og að launahækkanir á næsta ári leiði síður til verðbólgu.“

Ólafur segir að þetta sé út af fyrir sig gott markmið. „Eigi lækkunin að þjóna þessum tilgangi þarf hún hins vegar að vera mun meiri.

„Það er eðlilegast að miðað sé við að þessi skattheimta verði ekki meiri en hún var fyrir hrun, þegar atvinnustig var sambærilegt og nú,“

segir hann.

 

Fjárlagafrumvarp 2019

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Vilhjálmur: „Ég vona að launafólk fyrirgefi mér“

Vilhjálmur: „Ég vona að launafólk fyrirgefi mér“
Eyjan
Í gær

Minnihlutinn stormaði út: „Það er algert fundarofbeldi í borgarstjórn“

Minnihlutinn stormaði út: „Það er algert fundarofbeldi í borgarstjórn“
Eyjan
Í gær

Verkalýðsforystan nýtur stuðnings frá Alþingi

Verkalýðsforystan nýtur stuðnings frá Alþingi
Eyjan
Í gær

Inga Sæland um Klaustursmálið: „Þetta var kjaftshögg og maður í rauninni vildi ekki trúa því að þeir væru að svíkja okkur“

Inga Sæland um Klaustursmálið: „Þetta var kjaftshögg og maður í rauninni vildi ekki trúa því að þeir væru að svíkja okkur“
Eyjan
Í gær

Dugnaður Björns Leví sagður skaðlegur: „Vanhugsaðar lýðskrumstillögur“

Dugnaður Björns Leví sagður skaðlegur: „Vanhugsaðar lýðskrumstillögur“
Eyjan
Í gær

Vilhjálmur sótillur og rauk af sáttafundi: „Ég gat ekki setið þarna inni leng­ur“

Vilhjálmur sótillur og rauk af sáttafundi: „Ég gat ekki setið þarna inni leng­ur“
Eyjan
Fyrir 2 dögum

Krónan braut verkferla um matarsóun: „Þetta stingur í hjartað“

Krónan braut verkferla um matarsóun: „Þetta stingur í hjartað“
Eyjan
Fyrir 2 dögum

Þórólfur hyggst sækja um forstjórastöðuna

Þórólfur hyggst sækja um forstjórastöðuna