fbpx
Laugardagur 16.febrúar 2019
Eyjan

Smári McCarthy um Flokk fólksins: „Stunda popúlísk skítastjórnmál og daðra við þjóðerniskenndan rasisma“- Málið byggt á misritun

Ritstjórn Eyjunnar
Mánudaginn 10. september 2018 20:30

Ekki missa af Helstu tíðindum dagsins í pósthólfið þitt

Lesa nánar

Karl Gauti Hjaltason, þingmaður Flokks fólksins, viðraði þann möguleika á landsfundi flokksins um helgina að skoðað yrði að Ísland gengi úr Schengen samstarfinu og hafði Vísir eftir Karli Gauta, að kostnaðurinn væri hundruð milljarða á hverju ári.

Ummæli Karls Gauta urðu til þess að Smári McCarthy, þingmaður Pírata, fordæmdi „popúlísk skítastjórnmál“ Flokks fólksins og sagði flokkinn „daðra“ við „þjóðerniskenndan rasisma“:

„Ég vona að Karl Gauti lesi fjárlögin betur og átti sig á því að heildarútgjöld ríkisins eru 805 milljarðar á árinu 2018, en að Schengen samstarfið, sem m.a. tryggir lögreglunni aðgang að Evrópskum gagnagrunnum yfir glæpamenn, og leyfir milljónum manna að koma til Íslands árlega sem ferðamenn og eyða peningum hérna án þess að þurfa að heimsækja fyrst Íslenskt sendiráð, kostar 0,111 miljarð á ári ─ það er að segja 0,013% af fjárlögum. Það eru engir hundraðir milljarðar sem eru að fara í samevrópsku landamærin okkar. Þvert á móti er Schengen samstarfið líklega beinlínis ábyrgt fyrir hundruðum milljörðum í þjóðartekjum árlega.

Ef Flokkur Fólksins vill stunda popúlísk skítastjórnmál og daðra við þjóðerniskenndan rasisma, þá það. Ég get ekki stoppað ykkur í þeim viðbjóði. En ekki láta mig standa ykkur að því að bulla upp fáranlegar tölur þegar þið hafið allar forsendur að vita betur.“

Málið byggt á misritun

Fordæming Smára á Karli Gauta og Flokki fólksins fær á sig annan blæ þegar haft er til hliðsjónar að rangt var haft eftir Karli Gauta með kostnaðinn á Schengen samstarfinu. Frétt Vísis var nefnilega uppfærð, þar sem milljarðarnir urðu réttilega að milljónum.

Smári McCarthy áttaði sig á þessu og uppfærði fordæmingu sína, en sagði megnið af sínum punkti þó standa samt sem áður:

„[Uppfært: Vísir uppfærði fréttina; nú stendur „milljónir“ en ekki „milljarðar“; en megnið af þessum punkti stendur samt ─ Schengen er hræódýrt og algjörlega frábært fyrir Íslendinga; það veitir okkur mun meiri aðgang að heiminum en við annars hefðum og skapar okkur brjálæðislegan efnahagslegan ávinning.]“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka