fbpx
Eyjan

Hyldýpi milli ungra og gamalla kjósenda

Egill Helgason
Mánudaginn 10. september 2018 11:36

Verður fólk íhaldssamara með aldrinum? Við teljum víst flest að svo sé. Í niðurstöðum sem birtast í breska blaðinu Evening Standard má sjá þetta svart á hvítu – eða blátt á rauðu. Þetta er byggt á skoðanakönnun YouGov frá því í lok ágúst, en er sett fram á Twittersíðu sem nefnist Election Maps UK.

Þessi greining sýnir ótrúlegt  hyldýpi sem er staðfest milli ungra og gamalla kjósenda í Bretlandi. Efri myndin birtir kosningalandslagið eins og það liti út ef einungis fólk á aldrinum 18-24 ára fengi að kjósa. Þá fengi Verkamannaflokkurinn 66 prósent atkvæða og 600 sæti í þinginu.

Íhaldsflokkurinn fengi 12 prósent og ekkert sæti. Frjálslyndir demókratar eru meira að segja hærri.

 

 

Neðri myndin sýnir hvernig þetta lítur út ef einungis fólk sem er yfir 65 ára fengi að kjósa. Þarna hefur þetta alveg snúist við. Íhaldsflokkurinn fengi 62 prósent og 575 sæti en Verkamannaflokkurinn 18 prósent og 32 sæti.

 

 

Svo má spyrja – verður fólk vitrara með aldrinum? Einhvers staðar sá ég bent á að það væri gamla 68-kynslóðin, bítlakynslóðin, sem væri orðin svona íhaldssöm. Samkvæmt upplýsingum Election Maps fer fólk að hallast að Íhaldsflokknum á miðjum aldri – í greininni segir að markið sé 47 ár.

Svo myndi kannski einhver segja að framtíð flokks sem höfðar mest til gamals fólks sé ekki björt. En á móti kemur, eins og hefur sýnt sig í kosningum víða um heim, að ungt fólk skilar sér verr á kjörstað en hinir eldri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Helga og Veigar ákváðu að skilja – Með milljón á mánuði en missti svo allt – Upplifir sig sem algjöran lúser

Helga og Veigar ákváðu að skilja – Með milljón á mánuði en missti svo allt – Upplifir sig sem algjöran lúser
Eyjan
Í gær

Vignir Árnason nýr formaður Ungra Pírata

Vignir Árnason nýr formaður Ungra Pírata
Eyjan
Fyrir 2 dögum

Hætta steðjar að Íslandi

Hætta steðjar að Íslandi
Eyjan
Fyrir 2 dögum

Þeir eru dýrustu þingmennirnir

Þeir eru dýrustu þingmennirnir