fbpx
Laugardagur 16.febrúar 2019
Eyjan

Tilraunaverkefni um nýmæli í öldrunarþjónustu

Ritstjórn Eyjunnar
Föstudaginn 7. september 2018 19:20

Heilbrigðisráðherra ásamt fulltrúum frá Akureyri og sérfræðingum ráðuneytisins sem funduðu um nýsköpunarverkefnið. Mynd/Velferðarráðuneytið

Ekki missa af Helstu tíðindum dagsins í pósthólfið þitt

Lesa nánar

Svandís Svavarsdóttir heilbrigðisráðherra hefur fallist á ósk Öldrunarheimila Akureyrar um gerð samnings til að hrinda í framkvæmd nýsköpunar- og þróunarverkefni í öldrunarþjónustu. Með breyttu þjónustuformi og betri nýtingu fjármuna á að stórauka möguleika aldraðra til að búa á eigin heimili þrátt fyrir mikla þörf fyrir stuðning og þjónustu.

Kynningarfundur um þetta nýja þjónustuform var haldinn í velferðarráðuneytinu í dag. Auk heilbrigðisráðherra og fulltrúa frá Öldrunarheimilum Akureyrar sátu fundinn forseti bæjarstjórnar Akureyrar, fulltrúi frá Félagi eldri borgara á Akureyrar og varaformaður Landssambands eldri borgara.

Öldrunarheimili Akureyrar hafa unnið að þróun þessa verkefnis um nokkurt skeið. Við undirbúninginn er byggt á reynslu, ábendingum og rannsóknum, sem hafa dregið fram afdráttarlausa þörf fyrir einstaklingsmiðaðar áherslur og sveigjanlegri þjónustu en staðið hefur til boða hingað til. Markmið verkefnisins er að umbreyta og aðlaga þjónustu sem nú er veitt með skammtímadvöl í svokölluðum hvíldarrýmum og bjóða þess í stað upp á fjölbreytta dagþjónustu með þjálfun o.fl. þar sem unnt er að mæta ólíkum þörfum notenda, bæði hvað varðar inntak þjónustunnar og opnunartíma.

Fjölbreytt og sveigjanleg þjónusta alla daga ársins

Áformað er að breyta notkun tíu hjúkrunarrými sem notuð hafa verið til hvíldarinnlagna en byggja þess í stað upp mun sveigjanlegra þjónustuform sem fleiri geta nýtt sér á hverjum tíma. Verkefnið felur ekki í sér útgjaldaauka, heldur er verið að breyta nýtingu þeirra fjármuna sem nú renna til reksturs hjúkrunarrýmanna tíu, samtals á bilinu 110 til 120 milljónir króna á ári.

Áhersla verður lögð á dagþjónustu með opnunartíma fram á kvöld, alla daga vikunnar og einnig um hátíðir. Þá er horft til þess að hægt verði að mæta aðstæðum fólks sem kalla á sólarhringsdvöl, til dæmis vegna tímabundinna veikinda.

„Framsækið verkefni sem getur haft mikil áhrif á þróun öldrunarþjónustu á landsvísu“

Svandís Svavarsdóttir heilbrigðisráðherra segir kærkomið að sjá hversu vel sé búið að móta hugmyndafræðina að baki verkefninu og setja fram trúverðugt svar við ákalli um aukinn sveigjanleika og þjónustu sem tekur meira mið af einstaklingsbundnum þörfum fólks og ólíkum aðstæðum: „Þetta er framsækið verkefni sem getur haft mikil áhrif á þróun öldrunarþjónustu á landsvísu ef vel tekst til“ segir ráðherra.

Heilbrigðisráðherra mun fela Sjúkratryggingum Íslands að ganga til samninga um verkefnið. Vonir standa til að unnt verði að hrinda því í framkvæmd í byrjun næsta árs.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka