fbpx
Eyjan

Ísland „nánast alltaf með“ í pólitískum yfirlýsingum Evrópusambandsins – Hættu eftir viðskiptabann Rússlands

Ritstjórn Eyjunnar
Föstudaginn 7. september 2018 09:01

Mynd/hi.is

Baldur Þórhallsson, prófessor í stjórnmálafræði Háskóla Íslands, gagnrýnir að ekki sé meira samráð milli ríkja Evrópusambandsins og  EFTA/EES ríkjanna, þegar kemur að þátttöku í pólitískum yfirlýsingum Evrópusambandsins. Tilefnið er viðskiptabannið sem Rússland setti á Ísland 2015 vegna þátttöku þess í þvingunaraðgerðum Vesturlanda  vegna innrásar Rússlands á Krímskaga:

„Við tökum þátt í þessum þvingunaraðgerðum gegn Rússlandi í tengslum við aðild okkar að EES-samningnum og á það einnig við um flestallar aðrar þvingunaraðgerðir sem Ísland tekur þátt í. Stjórnvöld ákváðu að farsælla væri að vera í samfloti með helstu bandalagsríkjum okkar innan ESB og Bandaríkjunum en að rjúfa samstöðuna þó að það kostaði þjóðarbúið nokkuð,“

segir Baldur við Morgunblaðið.

Nánast alltaf með

„Evrópusambandið ákveður þessar pólitísku yfirlýsingar, s.s. þær sem taka til þvingunaraðgerða, og er Íslandi, Noregi og Liechtenstein boðið að taka þátt í þeim. Framkvæmdin hefur hins vegar verið þannig að ríkjunum þremur er tilkynnt um þær og þau spurð hvort þau vilji vera með eða ekki. Og við erum nánast alltaf með,“

segir Baldur, sem er gagnrýninn á þetta fyrirkomulag:

 „Ég hef áður gagnrýnt að ekki sé alvörusamráð á milli ríkja ESB annars vegar og EFTA/EES hins vegar, um þetta og um leið að hér heima eigi sér ekki stað nein alvöru umræða um þátttöku Íslands í þessum pólitísku yfirlýsingum.“

Ísland lætur lítið fyrir sér fara

Eftir viðskiptabann Rússlands 2015 dró Ísland sig úr öllum pólitískum yfirlýsingum ESB um þvingunaraðferðir, þó það væri enn þátttakandi í þeim.

Baldur segir að Ísland sé að reyna að láta fara lítið fyrir sér:

„Þetta er dálítið sérkennilegt, en ég met það svo að menn séu að reyna að láta lítið fara fyrir sér. Þegar fjölmiðlar erlendis birta fréttir af því að Evrópusambandið hafi endurnýjað þvinganir gagnvart Rússlandi eru nöfn Noregs og Liechtenstein á yfirlýsingunni en ekki Ísland. Ég tel að íslensk stjórnvöld hafi með þessu verið að vonast til þess að rússnesk stjórnvöld myndu draga úr þvingunum sínum gegn Íslandi. Það hafa þau hins vegar ekki gert.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 8 klukkutímum

Uppruni þórðargleðinnar

Uppruni þórðargleðinnar
Eyjan
Fyrir 19 klukkutímum

Guðbjartur verður framkvæmdastjóri Herjólfs

Guðbjartur verður framkvæmdastjóri Herjólfs
Eyjan
Í gær

Ólína spyr Brynjar: „Finnst þér virkilega að grunnþjónusta á borð við heilbrigðisþjónustu eigi að vera hagnaðardrifin?“

Ólína spyr Brynjar: „Finnst þér virkilega að grunnþjónusta á borð við heilbrigðisþjónustu eigi að vera hagnaðardrifin?“
Eyjan
Í gær

Reykjavík er næstdýrasta borg í Evrópu – Með dýrasta bjórinn og dýrustu söfnin

Reykjavík er næstdýrasta borg í Evrópu – Með dýrasta bjórinn og dýrustu söfnin
Eyjan
Fyrir 2 dögum

Fullyrti það að Sigmundur hefði haft einn aðstoðarmann – Þeir voru í reynd sjö

Fullyrti það að Sigmundur hefði haft einn aðstoðarmann – Þeir voru í reynd sjö
Eyjan
Fyrir 2 dögum

Vinstri Græn rekin með 13,7 milljóna tapi í fyrra

Vinstri Græn rekin með 13,7 milljóna tapi í fyrra