fbpx
Eyjan

Júlíus Vífill í Héraðsdómi Reykjavíkur: „Ég er saklaus“

Ritstjórn Eyjunnar
Fimmtudaginn 6. september 2018 14:18

Júlíus Vífill Ingvarsson

Júlíus Vífill Ingvarsson, fyrrum borgarfulltrúi Sjálfstæðisflokksins, lýsti yfir sakleysi sínu við þingfestingu á peningaþvættismálinu sem héraðssaksóknari höfðaði gegn honum, fyrir Héraðsdómi Reykjavíkur í dag.

Þegar dómarinn óskaði eftir að vita um afstöðu Júlíusar gagnvart ákærunni, svaraði Júlíus: „Ég er saklaus.“

Júlíus vildi ekki tjá sig við fjölmiðla að svo stöddu, en lýsti yfir vilja sínum til að fjalla um málið að því loknu. Sagðist hann þó viss um að hafa sigur í málinu.

Þegar ákæran var birt Júlíusi sagði hann að hún kæmi sér á óvart og engar lagalegar forsendur væru fyrir henni.

Nafn hans birtist í Panamaskjölunum á sínum tíma og er hann fyrsti Íslendingurinn sem þar kemur fyrir, sem sætir ákæru.

Hann er sakaður um að hafa geymt fjárhæðir að andvirði 131-146 milljónir króna á erlendum bankareikningi sínum, sem voru ávinningur af refsiverðum brotum og ráðstafað þeim á bankareikning hjá vörslusjóði í Sviss. Voru upphæðirnar geymdar hjá UBS bankanum á aflandseyjunni Jersey í Ermasundi, frá 2010 til 2014. Einnig er Júlíus sagður hafa ráðstafað fjármunum á reikning vörslusjóðsins Silwood Foundation í Julius Bär bankanum í Sviss. Rétthafar sjóðsins voru Júlíus sjálfur, eiginkona hans og börn.

Júlíus gaf upphæðirnar ekki upp til skatts og slapp þannig við að greiða tekjuskatt, útsvar og vexti af fjármununum. Er ávinningurinn sagður um 49-57 milljónir króna.

Í ákærunni er sagt að Júlíus hafi viðurkennt að hafa ekki gefið upp tekjurnar til skatts, en neiti þó að svara því hvenær teknanna var aflað. Því liggi það ekki fyrir með nákvæmum hætti hver ávinningurinn var, þar sem hlutfall tekjuskatts og útsvars hafi verið breytilegt fyrir árið 2006.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 7 klukkutímum

„Er ekki rétt, þegar reynt er að rétta hlut og skjóta stoðum und­ir sjálf­stæða fjöl­miðla, að byrja á því að tryggja að Rík­is­út­varpið fari að lög­um?

„Er ekki rétt, þegar reynt er að rétta hlut og skjóta stoðum und­ir sjálf­stæða fjöl­miðla, að byrja á því að tryggja að Rík­is­út­varpið fari að lög­um?
Eyjan
Fyrir 9 klukkutímum

Dómsmálaráðherra segir „mikla ánægju“ með þróun mála hjá lögreglunni – Biggi lögga orðlaus

Dómsmálaráðherra segir „mikla ánægju“ með þróun mála hjá lögreglunni – Biggi lögga orðlaus
Eyjan
Í gær

Stuðningur við ríkisstjórnina fer minnkandi – 41,1 % fylgi

Stuðningur við ríkisstjórnina fer minnkandi – 41,1 % fylgi
Eyjan
Í gær

Vigdís heimfærir OR málið upp á Reykjavíkurborg: „Á ekki bara að eiga við þegar karlmenn brjóta á rétti kvenna – heldur líka þegar konur brjóta á rétti karla“

Vigdís heimfærir OR málið upp á Reykjavíkurborg: „Á ekki bara að eiga við þegar karlmenn brjóta á rétti kvenna – heldur líka þegar konur brjóta á rétti karla“
Eyjan
Fyrir 2 dögum

Ráðuneytunum fjölgað – Ásmundur fær embættistitilinn félags- og barnamálaráðherra

Ráðuneytunum fjölgað – Ásmundur fær embættistitilinn félags- og barnamálaráðherra
Eyjan
Fyrir 2 dögum

Leggur til að mannanafnanefnd verði lögð niður – Frjálst val við nafngift – Ný viðbót við -son og -dóttir

Leggur til að mannanafnanefnd verði lögð niður – Frjálst val við nafngift – Ný viðbót við -son og -dóttir