Nú í haust munu sauðfjárbændur fá 387 krónur að meðaltali fyrir hvert kíló af lambakjöti. Er það raunlækkun um 38 prósent frá árinu 2015, en þá fengust 597 krónur fyrir hvert kíló, eða 210 krónum meira.
Kílóverðið væri 629 krónur ef verðlag hefði fylgt almenntri verðlagsþróun, en samkvæmt Hagstofu Íslands hefur raunlækkun í smásölu verið 12 prósent á sama tímabili.
Bændablaðið greinir frá.
Meðaltaliðið segir þó ekki alla söguna. Verðið er nokkuð misjafnt eftir afurðarstöðvum, sem eru sex talsins.
Sláturfélag Suðurlands greiðir hæsta verðið við haustslátrun 2018, eða um 423 krónur per kíló. SS greiðir einnig næsthæsta verðið fyrir kjöt af fullorðnu fé, 117 krónur per kíló.
Fjallalamb greiðir um 381 krónu per kíló af lambakjöti, en um 120 krónur fyrir hvert kíló af fullorðnu fé.