fbpx
Eyjan

Samdráttur í hótelgistingu nema á Suðurlandi – tölur sýna gríðarlegar breytingar á þjóðerni ferðamanna sem hingað koma

Egill Helgason
Þriðjudaginn 4. september 2018 22:43

Enginn fjölmiðill fylgist betur með þróun ferðaþjónustunnar en vefurinn Túristi. Hann er skyldulesning fyrir alla sem vilja fylgjast með stærstu atvinnugrein þjóðarinnar. Á honum birtast í dag tölur frá Hagstofunni sem sýna hvernig hegðun ferðamanna á Íslandi hefur verið að breytast. Það er enn að bætast í á Suðurlandi. Skýringin er líklega sú að þangað er auðvelt að fara fyrir ferðmamenn sem staldra stutt við. Það er hægt að aka í Vík og að Gullfossi og Geysi á stuttum tíma.

En á móti kemur samdráttur annars staðar á landinu – þegar lengra dregur frá Keflavík. Tölurnar eru frá því í júlí, sem er stærsti ferðamánuðurinn og þær sýna alls 2,3 prósenta fækkun á gistinóttum. Samdrátturinn er mestur á Austurlandi eða 12,3 prósent en á Norðurlandi er hann 10,2. Á höfuðborgarsvæðinu þar sem mikið af hótelum er í byggingu er samdrátturinn 2,3 prósent.

Á Túrista má líka lesa um breytingar eftir þjóðerni, byggt á tölum Hagstofunnar. Bandaríkjamönnum hefur fjölgað um 17,9 prósent frá júlímánuði árið áður. Það ætti ekki að koma óvart miðað við hið gríðarlega umfang Bandaríkjaflugsins – og í raun spurning hvort fjölgunin ætti ekki að vera meiri?

Þjóðverjum hefur hins vegar fækkað um 28,4 prósent – þar er auðvitað um að kenna miklum samdrætti í flugi frá Þýskalandi. Flugið frá Bretlandi hefur ekki minnkað, en fækkun Breta á íslenskum hótelum er 18,7 prósent. Kínverjum fjölgar hins vegar um 26,5 prósent og eru orðnir fjórði fjölmennasti hópur ferðamanna hér. Athygli vekur svo mikil fækkun ferðamanna frá Svíþjóð og Danmörku, heil 23,6 frá Danmörku.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 18 klukkutímum

Alvarlegar aðfinnslur gerðar á starfssemi Samgöngustofu: „Full þörf á að ljúka þessari vinnu“

Alvarlegar aðfinnslur gerðar á starfssemi Samgöngustofu: „Full þörf á að ljúka þessari vinnu“
Eyjan
Fyrir 20 klukkutímum

Sjálfstæðisflokkurinn vill einkavæða fríhöfnina í Leifsstöð

Sjálfstæðisflokkurinn vill einkavæða fríhöfnina í Leifsstöð
Eyjan
Fyrir 20 klukkutímum

Leiguverð í Reykjavík hærra en í höfuðborgum nágrannalanda

Leiguverð í Reykjavík hærra en í höfuðborgum nágrannalanda
Eyjan
Fyrir 2 dögum

Þetta er dýrasti þingflokkurinn

Þetta er dýrasti þingflokkurinn
Eyjan
Fyrir 2 dögum

Hin endalausu Brexit-vandræði

Hin endalausu Brexit-vandræði