fbpx
Eyjan

Makríllinn fer – enn ein hagsveiflan

Egill Helgason
Fimmtudaginn 30. ágúst 2018 11:19

Við búum í mjög sveiflukenndu hagkerfi Íslendingar. Það er reyndar vitað að þannig hegðar kapítalisminn sér, það eru hæðir og lægðir með einhverra ára millibili. En hagsveiflurnar á Íslandi hafa löngum verið miklu ýktari en í nágrannalöndunum.

Eftir hrunið 2008 horfðu margir Íslendingar til Norðurlandanna – við höfum um tíma talið okkur fremri þeim, líkt og við hefðum uppgötvað gullgerðarlistina – og hugsuðu: Mikið væri gott að hafa stöðugan efnahag eins og nágrannar okkar búa við.

Sumir höfuðu ekki háleitari hugsjónir en þetta – að við byggjum ekki lengur við hagkerfi sem væri eins og rússíbani.

Íslendingar komust fljótt og greiðlega út úr kreppunni. Á því eru nokkrar meginskýringar, en að hluta til voru þetta ytri áhrif. Þau fólust í mikilli fjölgun erlendra ferðamanna, snögglega varð ferðaþjónusta langstærsta atvinnugreinin, og svo tók fiskitegundin makríll að synda í áður óheyrðu magni upp að ströndum Íslands.

Nú er ferðaþjónustan í uppnámi, spár um fjölgun ferðamanna hafa ekki gengið eftir og flugfélögin íslensku þykja standa mjög tæpt. Verðmæti Icelandair fór hæst í tæpa 180 milljarða króna á hlutabréfamarkaði en hefur dotitð niður í 30 milljarða.

Og nú les maður fréttina sem birtist her að ofan á forsíðu Morgunblaðsins. Makríllinn sem var okkar annað bjargræði eftir hrunið er að hætta að koma til Íslands – heldur sig í Noregi.

Þá er væntanlega ekki langt í að íslensku pípulagningamennirnir, trésmiðirnir, læknarnir og hjúkrunarfólkið fari aftur þangað líka. Enn eins sveiflan er byrjuð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Samanburður við lýðveldishátíð og kristnitökuafmæli út í hött

Samanburður við lýðveldishátíð og kristnitökuafmæli út í hött
Eyjan
Fyrir 3 dögum

Félagsbústaðir fá fjárveitingu – Utangarðsfólk fær smáhýsi

Félagsbústaðir fá fjárveitingu – Utangarðsfólk fær smáhýsi