fbpx
Eyjan

Munurinn á vöxtunum á Íslandi og í Færeyjum

Egill Helgason
Sunnudaginn 19. ágúst 2018 23:59

Það sem ég man eftir Ólafi Ísleifssyni fyrir ekki svo mörgum árum var að hann var býsna evrópusinnaður. Nú er hann orðinn þingmaður Flokks flokksins og ég veit ekki með evrópustefnuna. Flokkur fólksins virkar ekkert sérlega mikið á evrópulínunni.

En Ólafur hefur fengið uppljómun varðandi vextina á Íslandi. Hann segir að afnema verði verðtryggingu og lækka vexti. Það þurfi að auka samkeppni í bankakerfinu. Ólafur hefur fengið samanburð í litlu nágrannalandi.

Helst erlend tengsl. Ég er nýkominn frá Færeyjum. Þar fjármagna menn íbúðarhúsnæði með föstum vöxtum, 1,7 prósent til 20 ára.

Færeyjar já. Færeyingar hafa sína eigin krónu. En hún er bara til málamynda. Hún er í raun danska krónan, alveg jafngild henni. Seðlarnir eru bara færeyskir. Og danska krónan er tengd við evruna í gegnum svokallað ERM2.

Og þarf varla að leita frekari skýringa á lágu vaxtastigi á eyjunum.

Hvað sem öðru líður er stjórn okkar yfir eigin gjaldmiðli nokkuð dýru verði keypt. En þessi er þá að geta að ekkert bendir til annars en að Íslendingar vilji almennt greiða það gjald.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Samanburður við lýðveldishátíð og kristnitökuafmæli út í hött

Samanburður við lýðveldishátíð og kristnitökuafmæli út í hött
Eyjan
Fyrir 3 dögum

Félagsbústaðir fá fjárveitingu – Utangarðsfólk fær smáhýsi

Félagsbústaðir fá fjárveitingu – Utangarðsfólk fær smáhýsi