Vilhjálmur Birgisson verkalýðsleiðtogi á Akranesi birtir áhugaverður tölur um vaxtaokur á Facebook-síðu sinni. Þar sýnir Vilhjálmur hvað íslensk heimili þurfa að greiða hér á landi í samanburði við lönd sem við berum okkur oft saman við. Niðurstaðan er sláandi. Vilhjálmur segir:

„Hér er samanburður á óverðtryggðum húsnæðislánum milli nokkra landa.“

Þá segir Vilhjálmur:

„Íslensk heimili þurfa að greiða tæpum 110 þúsundum króna meira í vaxtakostnað í hverjum mánuði en finnsk heimili.

Íslensk heimili þurfa að greiða tæpum 98 þúsundum króna meira í vaxtakostnað í hverjum mánuði en ítölsk heimili.

Íslensk heimili þurfa að greiða tæpum 98 þúsundum króna meira í vaxtakostnað í hverjum mánuði en austurrísk heimili.

Íslensk heimili þurfa að greiða tæpum 96 þúsundum króna meira í vaxtakostnað í hverjum mánuði en heimili á Spáni.

Íslensk heimili þurfa að greiða 90 þúsundum króna meira í vaxtakostnað í hverjum mánuði en heimili í Svíþjóð.

Íslensk heimili þurfa að greiða 85 þúsundum króna meira í vaxtakostnað í hverjum mánuði en heimili í Þýskalandi.

Íslensk heimili þurfa að greiða tæpum 83 þúsundum króna meira í vaxtakostnað í hverjum mánuði en heimili á Bretlandi.

Íslensk heimili þurfa að greiða 83 þúsundum króna meira í vaxtakostnað í hverjum mánuði en heimili í Danmörku.

Íslensk heimili þurfa að greiða 79 þúsundum króna meira í vaxtakostnað í hverjum mánuði en norsk heimili.“

Vilhjálmur endar skrif sín á þessum orðum:

„Klárlega eitt brýnasta verkefni verkalýðshreyfingarinnar að taka á þessum vaxtaofbeldi!“