fbpx
Eyjan

Gunnar bæjarstjóri með rúmar 2,2 milljónir á mánuði þrátt fyrir lækkun – „Þetta eru allt of há laun miðað við vinnu“

Ritstjórn Eyjunnar
Miðvikudaginn 15. ágúst 2018 16:46

Gunnar Einarsson, bæjarstjóri Garðabæjar

Í gærmorgun samþykkti bæjarráð Garðabæjar að mánaðarlaun bæjarstjórans, Gunnars Einarssonar, yrðu rúmar 2,2 milljónir króna. Þar af eru um 200 þúsund krónur sem hann fær fyrir störf bæjarfulltrúa, en Gunnar hafði boðað eftir kosningar að hann hygðist afsala sér þeim launum. Hinsvegar kemur fram í ráðningarsamningi Gunnars, að samkvæmt sveitastjórnarlögum sé honum það óheimilt. Af þeim sökum var ákveðið að lækka grunnlaun Gunnars um 10 prósent, að bæjarfulltrúalaunum meðtöldum. Fréttablaðið greinir frá.

Gunnar fær því 1.282 þúsund krónur í grunnlaun á mánuði fyrir dagvinnu. Þar að auki fær hann fasta yfirvinnu greidda, sem nemur rúmum 730 þúsund krónum á mánuði, auk bæjarfulltrúalaunanna, sem eru 199 þúsund krónur á mánuði.

Alltof há laun miðað við vinnu

Þrátt fyrir lækkunina sat bæjarfulltrúi Garðabæjarlistans hjá við afgreiðslu málsins í gær, en hann sagði við Vísi að laun Gunnars væru enn alltof há:

„Við töldum okkur ekki geta samþykkt þessi ráðningarkjör. Þetta eru allt of há laun miðað við vinnu,“

segir Ingvar Arnarson, bæjarráðsfulltrúi Garðabæjarlistans. Hann gerði einnig athugasemdir við bifreiðarhlunnindi Gunnars, sem fær Toyota Land Cruiser jeppa frá bænum, sem einnig greiðir allan rekstrarkostnað af jeppanum:

„Miðað við vegalengdir, um­hverfis­sjónarmið og laun þá þykir okkur rétt að hann sjái um sín bílamál sjálfur, eða ef það á að vera bíll að hann verði þá umhverfisvænn,“

segir Ingvar, sem grínaðist með að best væri að Gunnar færi um á IKEA rafhjóli.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Samanburður við lýðveldishátíð og kristnitökuafmæli út í hött

Samanburður við lýðveldishátíð og kristnitökuafmæli út í hött
Eyjan
Fyrir 3 dögum

Félagsbústaðir fá fjárveitingu – Utangarðsfólk fær smáhýsi

Félagsbústaðir fá fjárveitingu – Utangarðsfólk fær smáhýsi