fbpx
Laugardagur 16.febrúar 2019
Eyjan

Upp með veskið – Samgönguráðherra boðar vegatolla

Ritstjórn Eyjunnar
Þriðjudaginn 14. ágúst 2018 08:37

Sigurður Ingi Jóhannsson, ráðherra samgangna- og sveitastjórnarmála

Ekki missa af Helstu tíðindum dagsins í pósthólfið þitt

Lesa nánar

Sigurður Ingi Jóhannsson, samgöngu- og sveitastjórnarráðherra, skrifar pistil í Fréttablaðið í dag, hvar hann fjallar um vegakerfið á Íslandi og þá miklu viðhaldsþörf sem það krefst eftir stórfelldan niðurskurð á liðnum árum. Hann segir að ein þeirra leiða sem séu í skoðun til fjármögnunar séu vegatollar, sem nú heitir hinu viðmótsþýða nafni „notendagjald“ sem þýðir í raun aukna skattheimtu á almenning:

„Aukinni umferð fylgir aukinn kostnaður. Á síðustu árum hafa framlög til vegakerfisins verið í öfugu hlutfalli við fjölda notenda og ekna kílómetra á vegum. Afleiðing þess er að ýmsar brýnar framkvæmdir til að auka umferðaröryggi, hafa setið á hakanum. Hægt yrði að tvöfalda þá upphæð sem rynni til vegakerfisins með sérstöku notendagjaldi af einstökum mannvirkjum, s.s. brúm og göngum. Það er ein þeirra leiða sem eru í skoðun til að tryggja aukið fjármagn í vegakerfið til framtíðar – til hagsbóta fyrir okkur öll.“

Sigurður Ingi segir að umferð um hringveginn hafi aukist um 30 prósent  á síðustu tíu árum, að mestu vegna aukins ferðamannastraums, en vegakerfið á Íslandi er um 12.000 kílómetrar. Á sama tíma hafi vegakerfið liðið fyrir stórfelldan niðurskurð, sé víða laskað og þörfin á viðhaldi og þjónustu sé mikil:

„Viðhald á vegakerfinu hefur aldrei verið meira en nú. Umferðaröryggi verður að tryggja sem best og hefur auknu fjármagni verið veitt til ýmissa úrbóta til að flýta vegabótum. Fjármagn til viðhalds og lagfæringa á vegum var 5,5 milljarðar 2016 og í ár er það 12 milljarðar. Auknir fjármunir hafa verið settir í vegaþjónustu og viðhald víðsvegar um landið. Fyrr í sumar var fjórum milljörðum bætt við gildandi áætlun þessa árs til að verja vegakerfið fyrir frekari skemmdum í kjölfar stóraukins umferðarþunga. Þá er í fjármálaáætlun gert ráð fyrir sérstöku 5,5 milljarða árlegu framlagi sem bætist við til næstu þriggja ára. Í heildina er gert ráð fyrir að 160 milljörðum verði varið í viðhald og framkvæmdir í vegakerfinu á næstu 5 árum (2019-2023). Við forgangsröðun fjármuna verður litið til ólíkrar stöðu svæða, ferðaþjónustu og öryggissjónarmiða. Slík vinna stendur nú sem hæst og mun birtast í samgönguáætlun sem verður lögð fram á Alþingi nú í haust.“

Sigurður Ingi þverneitaði í upphafi kjörtímabilsins að hann hyggðist beita vegtollum, sem forveri hans, Jón Gunnarsson hafði lagt til í síðustu ríkisstjórn. Síðan hefur málið þróast hægt og rólega í aðra átt og í strax í janúar vildi Sigurður Ingi ekki útiloka slík gjöld.

Sigurður Ingi fer því gegn stefnu síns eigin flokks verði af vegtollum, veggjöldum eða notendagjöldum, þar semFramsóknarflokkurinn talaði gegn slíkri skattheimtu í kosningabaráttu sinni. Þá er ekkert minnst á slík gjöld í stjórnarsáttmálanum.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka