Eyjan

Katrín hefur sungið sitt síðasta í þjóðsöngsmálinu –  Bjarni tekur við

Ritstjórn Eyjunnar
Föstudaginn 10. ágúst 2018 16:39

Bjarni Benediktsson mun taka við þjóðsöngsmálinu svokallaða þar sem Katrín Jakobsdóttir, forsætisráðherra, hefur ákveðið að víkja sæti í málinu. Mbl greinir frá.

„Ég ákvað, í ljósi þess að ég kom að þessu máli á fyrri stig­um, að mér fynd­ist rétt­ast eft­ir mína um­hugs­un að víkja sæti og bað Bjarna um að taka þetta mál fyr­ir mig. Það sem ligg­ur fyr­ir núna er að taka af­stöðu til máls­ins og hann mun gera það,“

sagði Katrín við Morgunblaðið.

 

Kynning eða auglýsing ?

Margir muna eftir kynningarstiklu RÚV í aðdraganda og á meðan Heimsmeistaramótinu í knattspyrnu stóð yfir, þar sem ýmsir þjóðþekktir Íslendingar, þar á meðal Katrín Jakobsdóttir forsætisráðherra og Vigdís Finnbogadóttir, fyrrum forseti Íslands, lásu upp textalínur úr þjóðsöngnum, Ó Guð vors lands.

Forsætisráðuneytið er með það til skoðunar hvort myndskeiðið teljist brot á lögum um þjóðsönginn, en bannað er að nota hann í viðskipta- og auglýsingaskyni og getur brot á lögunum varðað sektum eða allt að tveggja ára fangelsi.

Katrín þekktist boðið

RÚV bauð Katrínu Jakobsdóttur, forsætisráðherra, upphaflega að koma í viðtal um málefni ríkissjónvarpsins. Í því boði var spurt hvort hún gæti einnig tekið þátt í upplestrinum, en ekki kom fram í þeim samskiptum að myndskeiðið yrði mögulega notað í auglýsingarskyni, heldur yrði notað sem undanfari fyrir HM, upphitun fyrir ferð landsliðs Íslands til Rússlands. Taldi Katrín að sú notkun bryti ekki í bága við lög um þjóðsönginn, samkvæmt fyrirspurn Morgunblaðsins upphaflega.

Eftir að myndskeiðið birtist fyrst, hafa þó nokkrir haft samband við forsætisráðuneytið vegna notkunar þjóðsöngsins, sem er kveikjan að fyrirspurn ráðuneytisins til RÚV þann 3. júlí.

 

Dagskrárkynning, ekki auglýsing

Í svari Margrétar Magnúsdóttur, skrifstofustjóra RÚV við fyrirspurn forsætisráðuneytisins er því mótmælt að um lögbrot sé að ræða, þar sem um sé að ræða dagskrárkynningu fyrir HM, sem hafi ekki birst í sérstökum og skýrt afmörkuðum auglýsingartímum RÚV.

Auk þess sé dagskrárkynningin einskorðuð við ljóð Matthíasar Jochumssonar, en ekki lagið sjálft, og því teljist myndbandið ekki sem hefðbundinn flutningur á þjóðsöngnum samkvæmt skilningi laganna.

Í lok myndbandsins er birt skiltið „RÚV – okkar allra“ og það sé jafnan notað í viðarmeiri dagskrárkynningum RÚV.

Þá er sagt að markmið RÚV hafi verið að  stuðla að „félagslegri samheldni“ og gerðar hafi verið dagskrárkynningar af ýmsu tagi til að byggja upp stemmningu fyrir HM, til þess að sýna tengsl þjóðarinnar við knattspyrnu, stolt og stuðning við landsliðið. Nálgunin með myndbandinu hafi verið því marki sett að sameina þjóðina.

Í svari forsætisráðuneytisins til Morgunblaðsins segir að málið sé enn til skoðunar og endaleg afstaða verði tekin að lokinni þeirri skoðun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Mynd dagsins: „Nú erum við í góðum málum, tra la la la la“

Mynd dagsins: „Nú erum við í góðum málum, tra la la la la“
Eyjan
Fyrir 3 dögum

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni
Eyjan
Fyrir 3 dögum

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi
Eyjan
Fyrir 3 dögum

„Mætti helst ætla að sjávarútvegurinn hafi laðað til sín alveg einstaklega svikult starfsfólk“

„Mætti helst ætla að sjávarútvegurinn hafi laðað til sín alveg einstaklega svikult starfsfólk“
Eyjan
Fyrir 4 dögum

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“
Eyjan
Fyrir 4 dögum

Mynd dagsins: Fór sigurför um netheima – Svona tekur sænska lögreglan á móti flóttabörnum

Mynd dagsins: Fór sigurför um netheima – Svona tekur sænska lögreglan á móti flóttabörnum