Eyjan

Heimta fund vegna byggingar knatthúss í Hafnarfirði – Draga lögmæti ákvörðunar bæjarráðs í efa

Ritstjórn Eyjunnar
Föstudaginn 10. ágúst 2018 16:59

Hafnarfjörður

Fulltrúar minnihlutans í bæjarstjórn Hafnarfjarðar hafa farið fram á fund vegna ákvarðanatöku um breytt áform varðandi knatthús, sem „keyrð var í gegn með meirihlutavaldi á lokuðum fundi“ meðan á sumarleyfi bæjarstjórnar og bæjarráðs stóð, samkvæmt tilkynningu.

Lögmæti ákvörðunarinnar er dregin í efa, þar sem bæjarráð er ekki talið hafa umboð til slíkrar stefnumarkandi ákvörðunartöku meðan á sumarleyfi bæjarstjórnar stendur yfir:

„Undirritaðir bæjarfulltrúar í Hafnarfirði hafa farið fram á að boðað verði til fundar í bæjarstjórn Hafnarfjarðar sem haldinn verði eigi síðar en miðvikudaginn 15. ágúst nk.  Beiðnin kemur í framhaldi af ákvarðanatöku um breytt áform varðandi knatthús sem keyrð var í gegn með meirihlutavaldi á lokuðum fundi í miðju sumarleyfi bæjarstjórnar og bæjarráðs, þar sem einungis 3 af 11 bæjarfulltrúum samþykktu stefnubreytingu í málefnum er varða uppbyggingu á íþróttamannvirkjum. Fulltrúar fengu afar skamman fyrirvara á tillögunni og skorti verulega á gögn og upplýsingar varðandi forsendur hennar.

Fulltrúar þeirra flokka sem sitja í minnihluta í bæjarstjórn Hafnarfjarðar draga lögmæti ákvörðunarinnar í efa enda er umboð bæjarráðs til ákvarðanatöku í sumarleyfi bæjarstjórnar ekki hugsað til töku stefnumarkandi ákvarðana heldur eingöngu í þeim tilgangi að tryggja eðlilega afgreiðslu mála sem eru til meðferðar í stjórnkerfinu. Einungis tveir af fjórum flokkum í minnihluta bæjarstjórnar eiga atkvæðisrétt í bæjarráði og hafa því ekki haft neina aðkomu að ákvarðanatökunni. Það er því eðlilegt að bæjarstjórn taki ákvörðunina til opinnar og málefnalegrar umfjöllunar þar sem fulltrúar allra flokka í bæjarstjórn eiga fulltrúa og atkvæðisrétt.“

Bæjarfulltrúarnir sem standa að baki fundarboðinu eru:

Adda María Jóhannsdóttir, Samfylkingu, Friðþjófur Helgi Karlsson, Samfylkingu, Guðlaug Kristjánsdóttir, Bæjarlistanum, Jón Ingi Hákonarson, Viðreisn, Sigurður Þ. Ragnarsson, Miðflokki.

Deilan um knatthúsin hefur lengi verið í fréttum. Ákveðið hafði verið að Haukar og FH fengu sitt knatthúsið hvor, en Björt Framtíð setti sig á móti því á sínum tíma og tók afstöðu með þáverandi minnihluta. Þá var ákveðið að FH fengi annað knatthús á sínu svæði, sem Haukar voru ósáttir við. Þegar verkið fór síðan í alútboð spruttu upp deilur að nýju, þar sem vinna við útboðsgögn var gagnrýnd af BF, þar sem þau þóttu sniðin að formanni knattspyrnudeildar FH, sem sendi inn tilboð sem umboðsaðili finnsks fyrirtækis, en lægsta tilboðið var 50% hærra en gert er ráð fyrir í fjárhagsáætlun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Mynd dagsins: „Nú erum við í góðum málum, tra la la la la“

Mynd dagsins: „Nú erum við í góðum málum, tra la la la la“
Eyjan
Fyrir 3 dögum

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni
Eyjan
Fyrir 3 dögum

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi
Eyjan
Fyrir 3 dögum

„Mætti helst ætla að sjávarútvegurinn hafi laðað til sín alveg einstaklega svikult starfsfólk“

„Mætti helst ætla að sjávarútvegurinn hafi laðað til sín alveg einstaklega svikult starfsfólk“
Eyjan
Fyrir 4 dögum

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“
Eyjan
Fyrir 4 dögum

Mynd dagsins: Fór sigurför um netheima – Svona tekur sænska lögreglan á móti flóttabörnum

Mynd dagsins: Fór sigurför um netheima – Svona tekur sænska lögreglan á móti flóttabörnum