fbpx
Föstudagur 18.janúar 2019
Eyjan

Séra Hildur Eir um Snorra Ásmundsson: „Spurningin um hvort gjörningurinn var list eða fíflagangur“

Ritstjórn Eyjunnar
Miðvikudaginn 8. ágúst 2018 12:02

Snorri mælir orð guðs í Hrísey Samsett mynd- DV

Séra Hildur Eir Bolladóttir, prestur á Akureyri, spyr sig hvort gjörningur Snorra Ásmundssonar í Hríseyjarkirkju á dögunum sé annaðhvort list eða fíflagangur. Hún lætur yfirmanni sínum, Guði Almáttugum og Snorra sjálfum eftir að  úrskurða um hvort sé, en af orðum hennar gæti einhver talið að sjálf hallist hún heldur að því að um fíflagang hafi verið að ræða:

„Hvað gjörning Snorra Ásmundssonar í Hríseyjarkirkju varðar þá er þetta alltaf á endanum spurningin um hvort gjörningurinn var list eða fíflagangur. Ef þetta var list þá þýðir það að messuklæði, sem í raun eru bara táknræn en ekki heilög, voru notuð sem efniviður til að bæta skilning okkar á heiminum, okkur sjálfum og þar af leiðandi á Guði en það er það sem listin gerir og þess vegna er hún einn angi guðfræðinnar. Ef þetta var bara pjúra fíflagangur og löngun til að hneyksla eins og mann langar kannski í áfengi eða blóðuga nautasteik, þá er þetta bara dónaskapur og ekkert annað. Hvort var þetta list eða fíkn? Það er stóra spurningin sem Snorri og Guð geta einir eða ein svarað.“

„Skemmt epli“ vegna misnotkunar

Gjörningur Snorra hefur vakið reiði meðal eyjaskeggja og sagði formaður sóknarnefndar í Hrísey, Narfi Björgvinsson, að Snorri hefði „misnotað“ kirkjuna þar sem kirkjan hafi verið lánuð undir því yfirskini að um tónleika væri að ræða, líkt og venja sé. Sagði Narfi að vegna þessa gæti kirkjan ekki lengur treyst fólki fyrir kirkjunni, og að það væru „þessi skemmdu epli sem skemma fyrir öðrum.

Snorri sagði sjálfur að hann teldi enga ástæðu til að biðjast afsökunar, þar sem boðskapur Jesú hafi verið misskilinn.

Snorri í fullum skrúða.

Vegir guðs eru órannsakanlegir

Þá sagði Snorri við RÚV að hann hafi vel vitað hvað hann væri að gera:

„Auðvitað fór ég inn á viðkvæmt svæði. Ég vissi al­veg hvað ég var að gera. En viðbrögð fólks eru ýmis og listamaður get­ur ekki einn borið ábyrgð á þeim.“

Þá má greina af orðum Snorra, að hann telji hugmyndina um almættið æðri sjálfum trúarbrögðunum:

„Þegar maður veit, fær maður ekki að trúa. Kristni er bara ein mynd af guði, eða æðri mætti. Trú­ar­brögð eru aðeins bún­ing­ur utan um al­mættið. Mína teng­ingu við mátt­ar­völd þarf ég ekki að skreyta með trú­ar­brögðum.“

 

Sjá nánar: Segir Snorra hafa „misnotað“ kirkjuna:„Það eru þessi skemmdu epli sem skemma fyrir öðrum“ – Ætlar ekki að biðjast afsökunar

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Helga Vala um fundinn: „Ég missi ekki svefn yfir því hvernig þeir kjósa að velja orð sín“

Helga Vala um fundinn: „Ég missi ekki svefn yfir því hvernig þeir kjósa að velja orð sín“
Eyjan
Fyrir 2 dögum

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“
Eyjan
Fyrir 2 dögum

Skautasvell á Austurvelli – rykmengunin í bænum

Skautasvell á Austurvelli – rykmengunin í bænum
Eyjan
Fyrir 2 dögum

Leikskólagjöldin hæst í Garðabæ – Mikill verðmunur milli sveitarfélaga

Leikskólagjöldin hæst í Garðabæ – Mikill verðmunur milli sveitarfélaga