Matvælastofnun (MAST) hefur verið gert að afhenda upplýsingar er varðar búskap sauðfjárbænda, svonefndar landbótaáætlanir, þar með talið greiðslur til þeirra samkvæmt búvörusamningum. Þetta var niðurstaða úrskurðarnefndar um upplýsingamál þann 31. júlí og Bændablaðið greinir frá.

Kærandi, sem er ónafngreindur einstaklingur, taldi sig eiga rétt á aðgangi að landbótaáætlunum í vörslu MAST um eftirlit stofnunarinnar með gæðastýrði sauðfjárframleiðslu. Hafði hann fengið aðgang að hluta gagnanna, en þar voru ákveðnar upplýsingar yfirstrikaðar. Að mati úrskurðarnefndar átti kærandi rétt á upplýsingunum án útstrikana og skal MAST því afhenda honum eftirfarandi upplýsingar:

Nöfn og staðsetningu allra býla eða framleiðslueininga í sauðfjárframleiðslu sem hljóta greiðslur samkvæmt búvörusamningum, sundurliðað eftir ærgildum.
2. Upplýsingar um heildargreiðslur til hvers bús fyrir sig samkvæmt búvörusamningi fyrir sauðfjárrækt fyrir árið 2015 eða 2016.
3. Upplýsingar um það hvort framleiðslan standist ákvæði landnýtingarþáttar gæðastýringarinnar árið 2015 eða 2016.