Eyjan

Forsætisráðherra sótti Íslendingahátíðir í Kanada og Bandaríkjunum: „Römm er sú taug, er rekka dregur föðurtúna til”

Ritstjórn Eyjunnar
Miðvikudaginn 8. ágúst 2018 09:32

Katrín Jakobsdóttir í Gimli

Forsætisráðherra, Katrín Jakobsdóttir, og eiginmaður hennar, Gunnar Sigvaldason, voru heiðursgestir á Íslendingahátíðum sem haldnar voru í Gimli í Manitoba og í Mountain í Norður-Dakóta 4. og 6. ágúst sl. flutti forsætisráðherra ávarp á báðum hátíðum og tók þátt í hátíðahöldum þeim tengdum. Íslendingahátíð var nú haldin í 119. sinn í Mountain og í 129. sinn í Gimli.

Í ferð sinni heimsóttu forsætisráðherrahjónin Íslendingaslóðir í Gimli og Riverton, meðal annars Menningarsafnið Nýja Ísland í Gimli (New Iceland Heritage Museum) og dvalarheimilið Betel þar sem margir aldraðir afkomendur íslenskra Vesturfara búa. Forsætisráðherra heimsótti einnig Mannréttindasafnið í Winnipeg og Manitobaháskóla, þar sem hún skoðaði íslenska bókasafnið og kynnti sér íslenskudeild háskólans.

„Það er merkilegt að kynnast af eigin raun hve mikla rækt afkomendur Íslendinga hér í Kanada og Bandaríkjunum leggja við þessa sögu og segja má að ummerki um íslenska landnema séu hér á hverju strái. En það er ekki síður mikilvægt að skynja hinn einlæga vilja til að rækta þessi samskipti til framtíðar og eiga meira samstarf á ýmsum sviðum menningar, stjórnmála og viðskipta,“

sagði Katrín Jakobsdóttir meðal annars í ræðu sinni.

Þá sagði hún einnig að á Íslandi væri orðatiltæki, sem næði yfir þá sterku tengingu sem fólk hefði við rætur sínar:

„Römm er sú taug, er rekka dregur föðurtúna til.”

Í heimsókninni fundaði forsætisráðherra með Brian Pallister, forsætisráðherra Manitoba, Rochelle Squires, ráðherra Manitoba fyrir sjálfbæra þróun og málefni kvenna, Jeff Wharton, ráðherra sveitastjórnarmála Manitoba, James Bezan, fulltrúa Manitoba í kanadíska þinginu, og Myrnu Driedger, forseta lögjafaþings Manitoba. Einnig hitti hún þingmennina Derek Johnson og Len Isleifson sem eru af íslenskum ættum. Þá sat forsætisráðherra sérstakan hádegisverð í boði Janice C. Filmon, fylkisstjóra Manitoba, ásamt 14 konum sem getið hafa sér gott orð á ólíkum sviðum í Manitoba.

Ræða forsætisráðherra í Gimli.

Ræða forsætisráðherra í Mountain.

 

Katrín Jakobsdóttir, forsætisráðherra, og Janice C. Filmon, fylkisstjóri Manitoba.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Mynd dagsins: „Nú erum við í góðum málum, tra la la la la“

Mynd dagsins: „Nú erum við í góðum málum, tra la la la la“
Eyjan
Fyrir 3 dögum

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni

Skiptar skoðanir útgerðarmanna og sjómanna um fyrirhugað myndavélaeftirlit Fiskistofu – Mikill ávinningur sjómanna af slíku eftirliti en minni hjá útgerðinni
Eyjan
Fyrir 3 dögum

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi

Sigmundur um skipulagsmál borgarinnar: „Ásóknin í fermetra ræður för og virðist engin takmörk sett“ – Segir umsátur um Alþingi
Eyjan
Fyrir 3 dögum

„Mætti helst ætla að sjávarútvegurinn hafi laðað til sín alveg einstaklega svikult starfsfólk“

„Mætti helst ætla að sjávarútvegurinn hafi laðað til sín alveg einstaklega svikult starfsfólk“
Eyjan
Fyrir 4 dögum

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“

Ungir sjálfstæðismenn um myndavélaeftirlit með sjávarútvegi: „Hættulegt skref í átt að eftirlitssamfélagi“
Eyjan
Fyrir 4 dögum

Mynd dagsins: Fór sigurför um netheima – Svona tekur sænska lögreglan á móti flóttabörnum

Mynd dagsins: Fór sigurför um netheima – Svona tekur sænska lögreglan á móti flóttabörnum