fbpx
Sunnudagur 17.febrúar 2019
Eyjan

Ferðalangur tjaldar á bannsvæði – Bíræfinn eða lesblindur ?

Ritstjórn Eyjunnar
Miðvikudaginn 8. ágúst 2018 22:29

Ekki missa af Helstu tíðindum dagsins í pósthólfið þitt

Lesa nánar

Myndin hér að ofan var tekin af árvökulum góðborgara á ferð sinni um Hvalfjörðinn í kvöld, nánar tiltekið við Botnsá.

Líkt og augljóslega sjá má á skiltinu er bannað að tjalda á svæðinu, en það virtist þó ekki hafa mikil áhrif á ákvarðanatöku viðkomandi í að tjalda beint framan við bannskiltið og má því deila um fælingarmátt þess.

Nokkuð hefur verið um að ferðamenn kvarti undan óljósum merkingum á Íslandi, ekki síst þeim skiltum sem eru á ábyrgð Vegagerðarinnar. Ekki verður þó við hana sakast í þessu tilfelli, enda tjaldskilti ekki á hennar könnu. Auk þess verður myndmálið að teljast nokkuð alþjóðlegt og skýrt.

Eyjan hefur ekki fengið staðfest hvort um lesblindu eða bíræfni viðkomandi sé um að kenna, en óneitanlega virðist brotaviljinn einbeittur við fyrstu sýn, þó ekki skuli hrapað að ályktunum.

Hvar má tjalda ?

Staðsetning tjaldsins er óneitanlega nokkuð skondin, með tilliti til laga um náttúruvernd frá 2015 sem tilgreina hvar heimilt sé að tjalda á Íslandi:

  • Við alfaraleið í byggð má tjalda til einnar nætur á óræktuðu landi, sé ekkert tjaldsvæði í nánd og landeigandi hafi ekki bannað það sérstaklega með merkingum.
  • Þá má einnig tjalda við alfaraleið í óbyggðum, hvort sem er á eignarlandi eða þjóðlendu. Sama á við um eignarland og þjóðlendur utan alfaraleiðar.

Með öðrum orðum, þá var viðkomandi ferðalangi heimilt að tjalda nánast alls staðar annarsstaðar í Hvalfirðinum, nema á þessum eina bletti.

Engin sérstök viðurlög eru tilgreind við því að tjalda á slíku bannsvæði, svo framarlega sem engin spjöll eru unnin á landinu, eftir því sem lagagreiningardeild Eyjunnar kemst næst.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka