fbpx
Föstudagur 18.janúar 2019
Eyjan

Sagan af húsunum í Viðey

Ritstjórn Eyjunnar
Þriðjudaginn 7. ágúst 2018 19:00

Sunnudaginn 12. ágúst mun Magnús Sædal Svavarsson fræða gesti Viðeyjar um sögu húsanna í Viðey og þeirra tímamóta minnst að í ár verða liðin 30 ár frá því að Viðeyjarstofa og kirkja voru tekin í notkun í núverandi mynd eftir gagngerar endurbætur. Árið 1996 gaf ríkið borginni hin sögufrægu hús í tilefni af 200 ára kaupstaðarafmæli Reykjavíkur og lauk framkvæmdum tveimur árum síðar. Þetta kemur fram í tilkynningu frá Reykjavíkurborg.

Magnús var framkvæmda- og byggingarstjóri endurbyggingarinnar en hann var byggingarfulltrúi borgarinnar árin 1993-2011 og þekkir því sögu húsanna í Viðey vel. Hann mun fara yfir víðan völl í umfjöllun sinni og gestir munum fylgja Magnúsi í vettvangsskoðun um húsin.

Endurgerð húsanna þykir afar vel heppnuð og er rekstur húsanna nú á hendi Borgarsögusafns Reykjavíkur. Nú 30 árum eftir endurbygginguna eru húsin í mjög góðu ástandi og starfsemi í Viðey blómstrar. Það má því segja að byggt sé á traustum grunni.

Siglt er samkvæmt áætlun frá Skarfabakka kl. 13:15 en þeir sem vilja fá sér hádegisverð í Viðeyjarstofu fyrir gönguna geta siglt kl. 12:15. Þátttaka er gestum að kostnaðarlausu en greiða þarf í ferjuna.

Gjald í ferjuna fram og til baka er 1.550 kr. fyrir fullorðna, 1.400 kr. fyrir eldri borgara og nemendur og 775 kr. fyrir börn 7 – 17 ára í fylgd fullorðinna. Börn 6 ára og yngri sigla frítt.

 Handhafar Menningarkorts Reykjavíkur fá 10% afslátt í Viðeyjarferjuna og handhafar Gestakortsins sigla frítt.

Viðey er hluti af Borgarsögusafni Reykjavíkur: Eitt safn á fimm frábærum stöðum.

 

Sennilega um 1902, hópur fólks fyrir utan Viðeyjarstofu. Sennilega fjölskylda Péturs Thorsteinssonar. Önnur frá vinstri er Katrín Pétursdóttir Thorsteinsson síðar Briem (1881-1919) og við hlið hennar Guðmundur Thorsteinsson, Muggur (1891-1924), bróðir hennar. Dætur Ásthildar og Péturs voru sex að tölu (Helga, tvíburarnir Ásta og Borghildur, Gyða, Guðrún og Katrín) og synirnir fjórir; Guðmundur, Samúel, Gunnar og Friðþjófur, þarna 6, 7, og 8 ára gamlir. Eggert Briem eiginmaður Katrínar með basthatt og Pétur Thorsteinsson með dökkan hatt. Móðir Péturs, Halla Guðmundsdóttir, situr undir Ingibjörgu, þarna um eins árs, fædd 1902, dóttur Katrínar og Eggerts. Viðeyjarstofa var heimili Katrínar og Eggerts á þessum tíma. Ef vel er að gáð sést að í flestum gluggum eru pottaplöntur. Byggingin er í töluverðri niðurníðslu, skömmu eftir aldamótin 1900 voru gerðar endurbætur á húsinu, fjórir kvistar voru byggðir á þakið og inngangurinn færður í gluggaopið lengst til vinstri (sjá mynd nr MAÓ 2071). Gömul skráning: Tveir karlmenn klæddir í jakkaföt og með hatta, tvær konur eru klæddar í hátísku kjóla að evrópskri fyrirmynd (danskur búningur) en hinar konurnar eru á peysufötum (íslenskur búningur), börnin eru klædd í einhvers konar kirtla eða barnakjóla.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Helga Vala um fundinn: „Ég missi ekki svefn yfir því hvernig þeir kjósa að velja orð sín“

Helga Vala um fundinn: „Ég missi ekki svefn yfir því hvernig þeir kjósa að velja orð sín“
Eyjan
Í gær

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“
Eyjan
Fyrir 2 dögum

Skautasvell á Austurvelli – rykmengunin í bænum

Skautasvell á Austurvelli – rykmengunin í bænum
Eyjan
Fyrir 2 dögum

Leikskólagjöldin hæst í Garðabæ – Mikill verðmunur milli sveitarfélaga

Leikskólagjöldin hæst í Garðabæ – Mikill verðmunur milli sveitarfélaga