Meirihluti Framsóknarflokks og Sjálfstæðisflokks hefur ákveðið að ráða Guðmund Gunnarsson sem bæjarstjóra Ísafjarðarbæjar. Þetta kemur fram í tilkynningu.
Guðmundur er með meistarapróf í alþjóðaviðskiptum frá Háskólanum í Reykjavík og B.A. próf í fjölmiðlafræði frá Háskólanum á Akureyri. Guðmundur hefur undanfarin þrjú ár gegnt starfi framkvæmdastjóra AFS á Íslandi en áður stýrði hann alþjóðasviði 66° NORÐUR en var einnig frétta- og dagskrárgerðarmaður RÚV um nokkurra ára skeið. Guðmundur syngur einnig 1. bassa með Karlakórnum Esju.
Guðmundur er 42 ára, fæddur á Ísafirði en uppalinn í Bolungarvík. Sambýliskona Guðmundar er Kristjana Milla Snorradóttir og eiga þau tvö börn.
