Halldór Auðar Svansson, fyrrverandi borgarfulltrúi Pírata, segir það rökleysu að banna búrkur á almannafæri í nafni umhyggju gagnvart konunum sem bannið beinist að. Svokallað búrkubann tók gildi í Danmörku í gær, verður þeim sem hylja andlit sitt á almannafæri gert að greiða 17 þúsund krónur í sekt. Lögreglan í Danmörku hefur þó gefið það út að lögunum verði ekki framfylgt af hörku. Hér á landi hefur komið upp umræða um að banna búrkur, er þá iðulega talað um búrku sem kúgunartæki karla gagnvart konum. Halldór segir slíkt rökleysu:
„Refsilöggjöf snýst eðli málsins samkvæmt aldrei um umhyggju í garð þeirra sem hún beinist gegn, sama þó reynt sé að klæða hana í slíkan orðræðubúning. Hún snýst um kúgun og stjórnun,“ segir Halldór á Fésbók. Segir hann frjálslynt fólk aldrei getað samþykkt slíkt, ekki frekar en að refsa konum í vændi:
„Kúgun verður ekki upprætt með frekari kúgun. Týpan sem trúir því að heimurinn virki þannig er sama týpa og telur að ofbeldi sé góð uppeldisaðferð.“