fbpx
Föstudagur 18.janúar 2019
Eyjan

Babýlon Berlín – flottir og frumlegir sjónvarpsþættir

Egill Helgason
Laugardaginn 14. júlí 2018 02:41

Babylon Berlin eru þýskir sjónvarpsþættir – sýndir á Netflix. Þeir byggja lauslega á glæpasögum eftir Volker Kutscher en þær gerast á tíma Weimarlýðveldisins, á árunum í kringum 1930. Ég hef séð þrjá þætti  en alls eru þeir sextán talsins – þeir eru meistaralega vel gerðir, snjallir og frumlegir.

Manni finnst eins og takist ótrúlega vel að fanga tíðaranda þessara ára: Hin öfgafullu pólitísku átök, ofbeldið sem lá í loftinu, spillinguna, lostann, örbirgðina, óvissuna. Hönnun þáttanna og útlit er sérlega flott – með því að nota gamlar myndir af götum er endurskapað lífið á strætum og torgum, þarna birtist manni til dæmis Alexanderplatz eins og það leit út fyrir stríð.

Aðalsprautan bak við þættina er Tom Twyker sem leikstýrði meðal annars Cloud Atlas og Run Lola Run. Þetta eru dýrustu sjónvarpsþættir í sögu Þýskalands. Þarna er til dæmis endurskapaður frægur næturklúbbur sem kallaðist Moka Efti. Þetta var dansklúbbur, kabarettstaður, matsölustaður og vændishús – allt í senn, eins og hæfir þessum brjálaða tíma.

Í þætti númer tvö er þessi sena þar sem söng- og leikkonan Severjia flytur þetta lag – Að ösku, að ryki…. Einkennilega áleitið lag og flott kvikmyndagerð.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Leikskólagjöldin hæst í Garðabæ – Mikill verðmunur milli sveitarfélaga

Leikskólagjöldin hæst í Garðabæ – Mikill verðmunur milli sveitarfélaga
Eyjan
Fyrir 2 dögum

Erlendum ríkisborgurum hefur fjölgað um tæp 68% á þremur árum

Erlendum ríkisborgurum hefur fjölgað um tæp 68% á þremur árum