Eyjan

Sameining sveitarfélaganna á höfuðborgarsvæðinu höfðar mest til Pírata – minnst til Sjálfstæðismanna

Ritstjórn Eyjunnar
Fimmtudaginn 12. júlí 2018 15:00

Maðurinn er sagðir hafa flúið undan réttvísinni til Íslands.

Fleiri íbúar höfuðborgarsvæðisins (18 ára og eldri) eru hlynntir en andvígir sameiningu sveitarfélaganna á höfuðborgarsvæðinu samkvæmt könnun Maskínu. Á bilinu 51-52% eru hlynnt sameiningu sveitarfélaganna en ríflega 48% eru andvíg. Um er að ræða  sveitarfélög Reykjavíkur, Kópavogs, Hafnarfjarðar, Garðabæjar, Mosfellsbæjar og Seltjarnarness.

Píratar vilja sameiningu

Talsverður munur er á viðhorfi eftir stjórnmálaskoðun en mikill meirihluti þeirra sem myndu kjósa Sjálfstæðisflokkinn er andvígur sameiningu, eða 70,5 prósent. Tæp 30 prósent styðja sameiningu.

Á hinn bóginn er stór meirihluti þeirra sem myndu kjósa Pírata hlynntur sameiningu, eða 72,4 prósent og 27,6 prósent andvíg.

Kjósendur Framsóknarflokksins eru flestir hlynntir sameiningu, eða 61,2 prósent, meðan kjósendur Miðflokksins virðast beggja blands, en 54,2 prósent eru andvígir og 45,8 prósent hlynntir sameiningu.

Alls 57,5 prósent þeirra sem styðja Samfylkinguna eru hlynntir sameiningu, en 42,5 prósent eru andvígir.

Þeir sem styðja Viðreisn skiptast í álíka stóra helminga, 51,9 prósent eru hlynntir sameiningu, 48,1 prósent eru andvígir.

Þá eru kjósendur Vinstri grænna heldur fylgjandi sameiningu, eða 59,7 prósent gegn 40,3 prósentum.

Afstaða til sameiningar er breytileg eftir búsetu á höfuðborgarsvæðinu. Reykvíkingar vilja sameiningu fremur en íbúar nágrannasveitarfélaganna en Garðbæingar og Seltirningar eru andvígastir sameiningunni. Þá eru karlar hlynntari sameiningu en konur. Yngsti svarendahópurinn, 18-29 ára, sker sig nokkuð úr hvað viðhorf til sameiningar sveitarfélaga á höfuðborgarsvæðinu varðar en meirihluti þess hóps er andvígur.

Svarendum gafst kostur á að tilgreina hvaða sveitarfélög þeir vildu helst að sameinuðust. Sameining allra sveitarfélaganna var oftast nefnd, en alls nefndu um 31% þá samsetningu. Næst algengasta tillagan var sameining Reykjavíkuborgar og Seltjarnarness, en ríflega 9% báru upp þá tillögu.

Tillaga að spurningunni kom í gegnum heimasíðu Maskínu. Svarendur voru 500 talsins og komu úr Þjóðgátt Maskínu, sem er þjóðhópur fólks (e. panel) dreginn með tilviljun úr Þjóðskrá og svarar á netinu. Svarendur eru af báðum kynjum, búsettir á höfuðborgarsvæðinu og á aldrinum 18 ára og eldri. Gögnin eru vigtuð með tilliti til kyns, aldurs og búsetu á höfuðborgarsvæðinu. Könnunin fór fram dagana 19. júní – 2. júlí 2018.

Skýrsluna í heild sinni má nálgast hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Ísland kjörið í mannréttindaráði Sameinuðu þjóðanna – Tekur sæti Bandaríkjanna

Ísland kjörið í mannréttindaráði Sameinuðu þjóðanna – Tekur sæti Bandaríkjanna
Eyjan
Fyrir 2 dögum

Reykjavíkurborg ræður tvo skólastjóra

Reykjavíkurborg ræður tvo skólastjóra
Eyjan
Fyrir 2 dögum

Samkeppnisleg áhrif kaupa Samkaupa á Basko til skoðunar

Samkeppnisleg áhrif kaupa Samkaupa á Basko til skoðunar
Eyjan
Fyrir 3 dögum

Bjarni segir kröfur ljósmæðra uppskrift að óstöðugleika – Fékk sjálfur 45% launahækkun 2016

Bjarni segir kröfur ljósmæðra uppskrift að óstöðugleika – Fékk sjálfur 45% launahækkun 2016
Eyjan
Fyrir 4 dögum

Forstjórar íhuga málssókn gegn ríkinu: „Það er gríðarlega mikil óánægja meðal manna“

Forstjórar íhuga málssókn gegn ríkinu: „Það er gríðarlega mikil óánægja meðal manna“
Eyjan
Fyrir 4 dögum

„Ógnir nútímans eru síður en svo hefðbundnar hernaðarógnir“

„Ógnir nútímans eru síður en svo hefðbundnar hernaðarógnir“