Alls 19 manns sóttu um stöðu bæjarstjóra í sameinuðu sveitarfélagi Garðs og Sandgerðis, sem enn á eftir að hljóta nýtt nafn. Fjórir drógu umsókn sína til baka og standa því 15 eftir.
Meðal umsækjenda er Magnús Stefánsson, bæjarstjóri í Garði og Þorsteinn Gunnarsson, sveitastjóri Skútustaðarhrepps, en athygli vekur að Gísli Halldór Halldórsson, fráfarandi bæjarstjóri á Ísafirði, er ekki meðal umsækjenda, en hann sótti um starf bæjarstjóra í Ölfusi, á Akureyri, í Fjarðabyggð og á Seyðisfirði.
J-listi Jákvæðs samfélags myndar meirihluta í sameinuðu sveitarfélagi með Sjálfstæðisflokknum. Sjálfstæðisflokkurinn hlaut 43.5% atkvæða og þrjá menn kjörna, en J-listinn hlaut 29.2% atkvæða og þrjá menn einnig.
Umsækjendur eru eftirfarandi:
Anna Gréta Ólafsdóttir, sérfræðingur.
Ármann Jóhannesson, ráðgjafi.
Baldur Þ. Guðmundsson, sjálfstætt starfandi.
Bjarni Jónsson, framkvæmdastjóri.
Björn Ingi Knútsson, ráðgjafi.
Eysteinn Jónsson, sérfræðingur.
Gunnólfur Lárusson, rekstrar- og verkefnastjóri.
Hjördís Dröfn Vilhjálmsdóttir, sjálfstætt starfandi.
Kikka Kristlaug María Sigurðardóttir, kosningastjóri.
Magnús Stefánsson, bæjarstjóri.
Ólafur Örn Ólafsson, áhafnastjóri.
Özur Lárusson, framkvæmdastjóri.
Rakel G. Brandt, M.Sc.
Stefanía G. Kristinsdóttir, framkvæmdastjóri.
Þorsteinn Gunnarsson, sveitarstjóri.
