Þeir hafa stolið af okkur skyrinu. Það má finna í búðum út um allan heim og er farið að keppa við jógúrt í vinsældum. En framleiðslan er ekki íslensk.
En hérna hafa þeir gengið lengra – þeir stela líka af okkur ð-inum, hinum sér-íslenska bókstaf.
Þetta munu annars vera framleiðendur sem eru upprunnir í Danmörku. Skyrið heitir Norr en ekki Nðrr. Hins vegar er þetta svo líkt ð-inu okkar að það er varla tilviljun.
Myndin er tekin í vinsælli matvöruverslun í Bandaríkjunum.
Þess má svo geta sá sem er helst valdur að því að ð er notað í íslensku er hinn mikli danski málfræðingur, Rasmus Christian Rask.