Eyjan

Samkeppniseftirlitið skoðar kaup Brims: „HB Grandi hefur ekkert að fela“

Ritstjórn Eyjunnar
Mánudaginn 9. júlí 2018 08:48

Guðmundur Kristjánsson og bróðir hans, Hjálmar Kristjánsson, eru eigendur Brims

Samkeppniseftirlitið hefur tekið til skoðunar kaup Brims á rúmum þriðjungshlut HB Granda fyrir um 21,7 milljarða fyrr á þessu ári. Hefur eftirlitið óskað eftir sjónarmiðum HB Granda á því hvort myndast hafi yfirráð í skilningi 10. og 17. greinar samkeppnislaga, en með kaupunum skapaðist yfirtökuskylda sem nýtt var af litlum hópi hluthafa.

Morgunblaðið hefur eftir Guðmundi Kristjánssyni, forstjóra HB Granda, að erindinu verði svarað:

„Ég held að það sé ekkert óeðlilegt við að eftirlitsstofnanir fylgist með viðskiptalífinu. HB Grandi hefur ekkert að fela og við munum svara [erindinu] eins vel og við getum.“

Guðmundur sagði við Morgunblaðið í apríl að hann ætti ekki von á því að Samkeppniseftirlitið gerði athugasemdir við kaupin, þar sem fyrirtækin seldu nær allar sínar afurðir á erlendum mörkuðum og lítil sem engin samkeppni væri milli þeirra á innanlandsmarkaði.

Að sögn Páls Gunnars Pálssonar, forstjóra samkeppniseftirlitsins, er aðeins verið að óska eftir upplýsingum:

„Við erum einfaldlega að óska eftir upplýsingum frá viðkomandi fyrirtæki sem þá nýtast okkur meðal annars við mat á því hvort um tilkynningaskyldan samruna er að ræða,“

sagði Páll við Morgunblaðið í gær.

Sagt er að fá ef nokkur dæmi séu um að komið hafi til kasta samkeppnislaga í sambærilegum viðskiptum í sjávarútvegi. Helst sé að samkeppnislög komi til skjalanna vegna sterkrar stöðu fyrirtækjanna innanlands þegar kemur að kaupum á aðföngum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 12 klukkutímum

Breskur auðkýfingur tryggir sér yfirráð yfir fleiri jörðum í Vopnafirði

Breskur auðkýfingur tryggir sér yfirráð yfir fleiri jörðum í Vopnafirði
Eyjan
Fyrir 12 klukkutímum

„Tal um kynferðislega áreitni af minni hálfu á ekki við rök að styðjast“

„Tal um kynferðislega áreitni af minni hálfu á ekki við rök að styðjast“
Eyjan
Í gær

Vilhjálmur Birgisson: „Hugsið ykkur hvað leikurinn á milli atvinnurekenda, sveitafélaga og ríkis er hryllilega ójafn“

Vilhjálmur Birgisson: „Hugsið ykkur hvað leikurinn á milli atvinnurekenda, sveitafélaga og ríkis er hryllilega ójafn“
Eyjan
Í gær

Gylfi stígur til hliðar um áramótin. „Nú siglir félagið inn í bjarta og spennandi tíma“

Gylfi stígur til hliðar um áramótin. „Nú siglir félagið inn í bjarta og spennandi tíma“
Eyjan
Fyrir 2 dögum

Segir ferðaþjónustuna aðeins vilja græða sem mest á náttúrunni og ekki greiða fyrir

Segir ferðaþjónustuna aðeins vilja græða sem mest á náttúrunni og ekki greiða fyrir
Eyjan
Fyrir 2 dögum

Undirverktakar hjá Strætó telja sig verða fyrir tjóni vegna framsals samnings úr þrotabúi Prime Tours – „Skýrt og augljóst kennitöluflakk“

Undirverktakar hjá Strætó telja sig verða fyrir tjóni vegna framsals samnings úr þrotabúi Prime Tours – „Skýrt og augljóst kennitöluflakk“