Boris Johnson, utanríkisráðherra Bretlands, sagði af sér embætti í dag vegna óánægju Brexit- harðlínumanna með stefnu Theresu May, forsætisráðherra Bretlands, varðandi samskipti Bretlands og Evrópusambandsins í kjölfar útgöngu Bretlands. Útgönguráðherra Bretlands, Steve Baker og ráðherra Brexit-mála, Dave Davis, sögðu báðir af sér í gær.

Gunnar Smári Egilsson, stofnandi Sósíalistaflokks Íslands, segir á Facebook að forysta breska Íhaldsflokksins sé að leysast upp vegna stefnu sem „gangi ekki upp“ og finnur Sjálfstæðisflokknum flest til foráttu fyrir að elta enska íhaldsmenn í þennan „leiðangur“:

„Það kostulega er að Sjálfstæðisflokkurinn ákvað að elta enska íhaldsmenn í þennan leiðangur, sem m.a. leiddi flokkinn út úr bandalagi evrópskra íhaldsmanna yfir í léttfasísk samtök með Erdogan og Lög og rétti í Póllandi. Breski Íhaldsflokkurinn er auk Repúblikanaflokksins í USA, pólitískt leiðarljós Sjálfstæðisflokksins, hvort tveggja flokkar sem hafa leyft öfgafullum nýfrjálshyggju, léttfasistum og andmannúðarsinnum að éta upp flokksstarfið og breyta þessum flokkum er sirkus.“

segir Gunnar og bætir við að:

„Áhrifin af þessu á Sjálfstæðisflokkinn hefur verið stofnun Viðreisnar en lítil önnur, líklega vegna þess að innan Sjálfstæðisflokksins er ekki ástunduð mikil hugmyndavinna.“