Athafnamaðurinn Sigmar Vilhjálmsson, áður kenndur við Fabrikkuna, birtir samanburð á launum forstjóra á Íslandi við erlenda þjóðarleiðtoga á Facebooksíðu sinni í dag. Sá samanburðu verður að teljast þeim íslensku í hag, en Sigmar veltir fyrir sér hvort því fylgi meira álag að vera forstjóri Landsvirkjunar, heldur en Kanslari Þýskalands:
„Launamál. Var einhver að tala um laun? Ég svona ákvað að gera léttan samanburð á launum „Ríkisstarfsmanna“. Ég velti fyrir mér hvort það sé meira álag að vera forstjóri Landsvirkjunar en að vera Kanslari Þýskalands eða forsætisráðherra Bretlands? Nei, bara pæling,“
ritar Sigmar.
Á töflu Sigmars má sjá að æðsti stjórnandinn í Swiss er með rúmlega 4,4 milljónir á mánuði, meðan bankastjóri Íslandsbanka er með rúmar 4,8 milljónir á mánuði.
Þá er Bandaríkjaforseti sagður með rúmar 3.5 milljónir á mánuði, meðan forstjóri Landsvirkjunar er með tæpar 3,3 milljónir á mánuði og bankastjóri Landsbankans með 3,250,000 milljónir á mánuði.
Ekki kemur fram hvaðan upplýsingarnar eru fengnar, en tekjur erlendu þjóðhöfðingjana eru gefnar upp í árslaunum og umreiknaðar úr dollurum í íslenskar krónur: