Eyjan

EES innleiðingarhalli Íslands ekki minni frá 2010

Ritstjórn Eyjunnar
Föstudaginn 6. júlí 2018 08:25

Dregið hefur umtalsvert úr innleiðingarhalla tilskipana og reglugerða sem falla undir EES samninginn og er hann í tilviki Íslands sá minnsti frá árinu 2010. Þetta er niðurstaða 42. frammistöðumats Eftirlitsstofnunar EFTA (ESA), sem sýnir stöðu innleiðingar á EES gerðum í EFTA ríkjunum, Íslandi, Liechtenstein og Noregi. Staðfestir þessi niðurstaða sterka áherslu ríkjanna á greiða framkvæmd EES samningsins. Ríkin eru hvött til þess að halda áfram á þessari braut.

„Þessi mikli árangur í að draga úr innleiðingarhalla tilskipana og reglugerða á Íslandi, sem og í öðrum EFTA ríkjum, lýsir vel traustu samstarfi EFTA ríkjanna og vilja þeirra til þess að vinna saman að öflugum innri markaði,“

segir Högni Kristjánsson, stjórnarmaður ESA.

Frammistöðumatið sýnir einnig að:

  • Verulega dregur úr innleiðingarhalla bæði tilskipana og reglugerða í tilviki Íslands. Innleiðingarhalli tilskipana er 1 prósent samanborið við 1,8 prósent í síðasta frammistöðumati og hefur ekki verið mini frá nóvember 2010. Innleiðingarhalli reglugerða er 0,8 prósent samanborið við 1,2 prósent áður sem er að sama skapi sá lægsti frá árinu 2016 þegar ESA birti slíkar tölur í fyrsta sinn.
  • Í tilviki Noregs dregur á ný úr innleiðingarhalla tilskipana sem er aðeins 0,1 prósent samanborið við 0,5 prósent áður. Innleiðingarhalli reglugerða er nú 1,1 prósent en var 0,1 prósent áður.
  • Að sama skapi dregur úr innleiðingarhalla í Liechtenstein en 0,7 prósent tilskipana hafa ekki verið innleiddar samanborið við 1,3 prósent  áður.

Síðar í sumar mun Framkvæmdastjórn Evrópusambandsins birta frammistöðumat ríkja Evrópusambandsins. Uppfærð útgáfa frammistöðumats ESA, með samanburði við öll ríki EES svæðisins, verður birt á sama tíma.

Nálgast má frammistöðumatið (á ensku) hér: Frammistöðumat innri markaðar nr. 42

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Ísland kjörið í mannréttindaráði Sameinuðu þjóðanna – Tekur sæti Bandaríkjanna

Ísland kjörið í mannréttindaráði Sameinuðu þjóðanna – Tekur sæti Bandaríkjanna
Eyjan
Fyrir 2 dögum

Reykjavíkurborg ræður tvo skólastjóra

Reykjavíkurborg ræður tvo skólastjóra
Eyjan
Fyrir 2 dögum

Samkeppnisleg áhrif kaupa Samkaupa á Basko til skoðunar

Samkeppnisleg áhrif kaupa Samkaupa á Basko til skoðunar
Eyjan
Fyrir 3 dögum

Bjarni segir kröfur ljósmæðra uppskrift að óstöðugleika – Fékk sjálfur 45% launahækkun 2016

Bjarni segir kröfur ljósmæðra uppskrift að óstöðugleika – Fékk sjálfur 45% launahækkun 2016
Eyjan
Fyrir 4 dögum

Heildarlaun hækkuðu um 4,9%

Heildarlaun hækkuðu um 4,9%
Eyjan
Fyrir 4 dögum

Forstjórar íhuga málssókn gegn ríkinu: „Það er gríðarlega mikil óánægja meðal manna“

Forstjórar íhuga málssókn gegn ríkinu: „Það er gríðarlega mikil óánægja meðal manna“