Sjónvarpsmaðurinn James Corden tekur viðtal við bítilinn Paul McCartney í ökuferð um gamlar slóðir hans í Liverpool. Þeir rifja upp gömul lög, staldra við á stöðum sem tengjast Bítlunum og lífi McCartneys.
Hann rifjar upp móðurmissi og talar um tónlistarmanninn föður sinn sem ráðlagði honum og John Lennon að syngja She Loves You Yes Yes Yes – Yeah Yeah Yeah væri alltof ameríkaníserað.
Corden hefur orð á því að McCartney hafi samið tónlist sem er full af jákvæðni og boðar frið og kærleika.
Það er ekki vanþörf á slíku mitt í öllum ljótleikanum og hatrinu.
Þetta er frábært innslag, það gætu jafnvel sést tár á hvarmi já gömlum Bítlaaðdáendum. Þeir staðnæmast svo á krá þar sem Bítlarnir spiluðu í eina tíð og þar tekur Paul nokkur lög með hljómsveit sinni.
