fbpx
Föstudagur 18.janúar 2019
Eyjan

Hörð keppni um athyglina á fyrsta degi borgarstjórnar

Egill Helgason
Þriðjudaginn 19. júní 2018 18:14

Þetta er skemmtileg ljósmynd sem Bára Huld Beck, blaðamaður Kjarnans, tók á fyrsta fundi nýrrar borgarstjórnar í dag. Á fundinum urðu gríðarleg upphlaup, að manni heyrist vegna þess að spurðist hver einn fulltrúi Sjálfstæðisflokksins í tiltekinni nefnd átti að vera. Var jafnvel gengið svo langt að krefjast rannsóknar á þessu.

Fyrst og fremst lýsir þetta stemmingunni í nýju borgarstjórninni. Þetta heitir á vondu máli að snapa fæting. En þarna er komið fólk sem ætlar örugglega ekki að sitja þægt óg prútt á fundum, heldur að gera eins mikið úr veru sinni í borgarstjórninni og hugsast getur.

Yfirleitt er það svo að mánuðum saman heyrast litlar sem engar fréttir af fundum í borgarstjórn. Fjölmiðlar hafa engan sérstakan áhuga – það er ekki eins og sé alltaf verið að ræða stórpólitísk mál. Í raun má segja að hafi verið friðsamlegt í borgarstjórn allar götur síðan Hanna Birna Kristjánsdóttir tók við sem borgarstjóri árið 2008 – eftir nokkurt skeið þar sem hafði verið skipt ótt og títt um borgarstjóra. Hanna Birna náði góðum tökum á borgarstjóraembættinu, svo kom Jón Gnarr og síðan Dagur. Meirihluta- og minnihlutaflokkar störfuðu ágætlega saman.

En nú þarf Eyþór Arnalds að sanna að hann eigi sérstakt erindi í borgarstjórnina, þótt hann hafi lent í minnihluta – sem er alls engin sæluvist fyrir metnaðargjarnan mann. Þarna er líka komin Vigdís Hauksdóttir, hún er engin sérstök friðarins manneskja – það eru alltaf læti í kringum hana. Og svo er það Sanna María Mörtudóttir, fulltrúi Sósíalista – þeir dæla nú inn alls kyns tillögum í borgarstjórn, meðal annars um valdeflingu strætófarþega og afnám þóknana fyrir fundarsetur.

Svona mál geta tekið bæði tíma og athygli frá málum sem snerta eiginlega stjórn og rekstur borgarinnar. Þau eru í eðli sínu nokkuð pópúlísk – og fjölmiðlar eru spenntir fyrir því að fjalla um svonalagað. Það má búast við harðri keppni um athyglina milli flokkanna sem eru í minnihlutanum í borgarstjórninni.

Á neðri myndinni sést svo sósíalistinn Sanna ásamt tveimur glerhörðum hægri konum, Mörtu Guðjónsdóttur og Vigdísi Hauksdóttur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Helga Vala um fundinn: „Ég missi ekki svefn yfir því hvernig þeir kjósa að velja orð sín“

Helga Vala um fundinn: „Ég missi ekki svefn yfir því hvernig þeir kjósa að velja orð sín“
Eyjan
Fyrir 2 dögum

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“

Segir Hildi beitta þrýstingi og borgarstjóri sé ábyrgur: „Ég er bara alls ekkert í að verja braggann“
Eyjan
Fyrir 2 dögum

Skautasvell á Austurvelli – rykmengunin í bænum

Skautasvell á Austurvelli – rykmengunin í bænum
Eyjan
Fyrir 2 dögum

Leikskólagjöldin hæst í Garðabæ – Mikill verðmunur milli sveitarfélaga

Leikskólagjöldin hæst í Garðabæ – Mikill verðmunur milli sveitarfélaga