Eyjan

Verðmunur á matvöru yfir 70%

Ritstjórn Eyjunnar
Fimmtudaginn 14. júní 2018 11:31

Ný verðkönnun Verðlagseftirlits ASÍ sýnir að gríðarlegur verðmunur er á hinum ýmsu vörum í öllum vöruflokkum. Í 52 tilvikum af 100 var yfir 40% munur á hæsta og lægsta verði og í 24 tilvikum var verðmunurinn yfir 70%. Iceland var oftast með hæsta verðið, eða í 35 tilvikum af 100, en Bónus var oftast með lægsta verðið, eða í 63 tilvikum af 100. Hagkaup var sú verslun sem var næstoftast með hæsta verðið, eða í 21 tilviki af 100. Verðkönnunin var framkvæmd í 8 stærstu verslunum landsins.

Lítil vörukarfa 3.108 kr. dýrari í Iceland en í Bónus

Samanburður á lítilli vörukörfu með 12 vörum sýnir að spara má 3.108 krónur með því að versla í Bónus í stað Iceland. Vörukarfa þessi inniheldur vörur eins og brauð, djús, kjötbollur, banana, cheerios, handsápu og  þvottaefni en vörurnar eru 13 talsins. Verðmuninn má sjá í töflunni hér fyrir neðan.

Iceland Bónus Verðmunur í % Verðmunur í krónum
Fitty samlokubrauð – 500 gr 499 349 43% 150
Tíðartappar OB original 16 stk 449 259 73% 190
Neutral storvask ódýrasta kílóverð 705 410 72% 295
Handsápa Palmolive Almond milk m/pumpu 300 ml 399 229 74% 170
Cheerios – ódýrasta kg verð 1.542 750 106% 792
Neutral storvask ódýrasta kílóverð 705 410 72% 295
St. Dalfour bláberja sulta 284 gr 669 398 68% 271
Trópí tríó – 3pl (250 ml *3) 369 195 89% 174
1944 – Hakkbollur í brúnni sósu m. kartöflumús 729 595 23% 134
Góu Hraunbitar 349 223 57% 126
Bananar 399 179 123% 220
Lyle’s golden syrup 454 gr dós 399 189 111% 210
Knorr Aromat 90 gr. staukur 329 249 32% 80
Verðmunur á vörukörfu 3.108

 

Sláandi mikill verðmunur á meirihluta varanna – oft yfir 70% verðmunur

Niðurstöður könnunarinnar eru sláandi en þær sýna að gríðarlegur verðmunur var á flestum vörunum í könnuninni. Á mörgum vörum var yfir 40% verðmunur milli dýrasta og ódýrasta valkostsins og 70% verðmunur var á fjórðungi varanna. 100% verðmunur var á frosnu lambalæri, lægsta verðið mátti finna í Bónus og í Nettó þar sem það kostaði 1.098 kr. en hæsta verðið var í í Kjörbúðinni Sandgerði þar sem það kostaði  2.109 kr. Litlu ódýrara var það í Hagkaup þar sem kílóverðið var 2.099 krónur. Munur á hæsta og lægsta verði á svínakótilettum var 64%, lægst var verðið í Krónunni, 1.399 kr. kg en hæst var það í Iceland á 2.299 kr. Þá var 42% eða 801 kr. verðmunur á ferskum laxi, lægsta verðið var í Nettó, 1.898 kr. en það hæsta í Iceland 2.698 kr. en Hagkaup var einungis einni krónu lægra með 2.698 kr. kílóið. Mjög mikill verðmunur var einnig á ávöxtum og grænmeti, drykkjarvörum, þurrvörum og dósamat, brauði og kextmeti.

Töfluna í heild sinni má sjá hér.

Um könnunina

Í könnuninni var hilluverð á 100 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina.

Könnunin var framkvæmd á sama tíma í öllum verslunum en þær eru: Bónus Hafnarfirði, Nettó Granda, Krónunni Hafnarfirði, Hagkaup í Spönginni, Iceland í Glæsibæ, Fjarðarkaupum, Costco og Kjörbúðinni Sandgerði. Í könnuninni er einungis gerður samanburður á verði en ekkert mat er lagt á gæði eða þjónustu viðkomandi verslana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
í gær

Leiga í samræmi við greiðslugetu í almenna íbúðakerfinu

Leiga í samræmi við greiðslugetu í almenna íbúðakerfinu
Eyjan
Fyrir 2 dögum

Hjörleifur Guttormsson og Júlíus Sólnes fá aðstöðu í Jónshúsi

Hjörleifur Guttormsson og Júlíus Sólnes fá aðstöðu í Jónshúsi
Eyjan
Fyrir 2 dögum

Sanna útskýrir samstarfið við Sjálfstæðisflokkinn: „Rangt að stilla því svo fram að sósíalistar hafi verið að auka veg Sjálfstæðismanna“

Sanna útskýrir samstarfið við Sjálfstæðisflokkinn: „Rangt að stilla því svo fram að sósíalistar hafi verið að auka veg Sjálfstæðismanna“
Eyjan
Fyrir 2 dögum

Ný bæjarstjórn tekin við í Hafnarfirði

Ný bæjarstjórn tekin við í Hafnarfirði
Eyjan
Fyrir 3 dögum

Forsætisráðherra opnar EURAM ráðstefnu og heimsækir Háskóla Íslands

Forsætisráðherra opnar EURAM ráðstefnu og heimsækir Háskóla Íslands
Eyjan
Fyrir 3 dögum

Innviðafjárfesting á Íslandi næstum tvöfalt heimsmeðaltal

Innviðafjárfesting á Íslandi næstum tvöfalt heimsmeðaltal
Eyjan
Fyrir 3 dögum

Páll Gunnar Pálsson: „Ekki heppileg staða útfrá sjónarhóli samkeppninnar“

Páll Gunnar Pálsson: „Ekki heppileg staða útfrá sjónarhóli samkeppninnar“