fbpx
Mánudagur 21.janúar 2019
Eyjan

Vonandi tapa bæði liðin

Egill Helgason
Miðvikudaginn 13. júní 2018 22:35

Þær eru geðslegar ríkisstjórnirnar í löndunum sem hefja keppni á Heimsmeistaramótinu í fótbolta. Rússland – Saudi-Arabía.

Annars vegar ríkið sem heldur keppnina, það lýtur stjórn hins einræðissinnaða Pútíns sem er fulltrúi stjórnarfars sem stundum er kallað þjófræði. Sem leiðtogi er Pútín bæði lyginn og svikull –  þetta er algjörlega prinsípplaus maður enda upppfóstraður í leyniþjónustu Sovéttímans, KGB.

Hins vegar er það hið vellauðuga olíuríki Saudi-Arabía þar sem risastór ætt, tengd stofnanda ríkisins Ibn Saud, lifir í vellystingum praktuglega. Aðferðin til að stjórna lýðnum er með sérstaklega þröngsýnni og ógeðfelldri útgáfu af íslamsttrú – sem pólitískt birtist eins og hreinræktaður fasismi.

Bæði þessi ríki hafa verið í alls kyns ævintýraleiðangrum á erlendri grund. Rússar í Úkraínu og í Sýrlandi. Saudi-Arabar hafa undanfarin ár keypt einhver ósköp af vopnum frá Vesturlöndum og beita þeim nú í Jemen þar sem þeir standa í miklum manndrápum. Í dag gerðu þeir miklar sprengjuárásir á borgina Hudayah; þar í höfninni er skipað upp matvælum sem eiga að fara til átta milljón bágstaddra íbúa landsins.

Og svo má geta þess að þetta eru tvö af helstu olíuframleiðsluríkjum heims, þau hafa nagað sig saman til að hafa áhrif á framboð á olíu og þá um leið verðið. Saudar eru sérstakir vinir Bandaríkjanna, sem eru í liði með þeim gegn Íran, en það kemur ekki í veg fyrir að Saudar og Rússar hafi náð saman um aðgerðir til að stjórna olíuverðinu. Og þetta gerist þrátt fyrir að Rússar og Íranir séu í vinfengi.

Það er víst ekki hægt í fótbolta – en maður getur helst óskað þess að bæði liðin tapi í leiknum. Menn segja reyndar að þetta stefni í að verða lélegasti opnunarleikur heimsmeistaramóts fyrr og síðar, því bæði liðin séu frámunalega slöpp.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

MIKILL MEIRIHLUTI ÍSLENDINGA VILL SEINKA KLUKKUNNI

MIKILL MEIRIHLUTI ÍSLENDINGA VILL SEINKA KLUKKUNNI
Eyjan
Fyrir 2 dögum

Vatnsmýrin að fá póstnúmerið 102: „Innantómt orðagjálfur á tyllidögum“

Vatnsmýrin að fá póstnúmerið 102: „Innantómt orðagjálfur á tyllidögum“
Eyjan
Fyrir 3 dögum

Davíð Oddsson sagður afkomandi „dularfulla kynblendingsins“ Hans Jónatans

Davíð Oddsson sagður afkomandi „dularfulla kynblendingsins“ Hans Jónatans
Eyjan
Fyrir 3 dögum

Lögreglan: Mikil fjölgun innbrota á heimili

Lögreglan: Mikil fjölgun innbrota á heimili