Eyjan

Ríkisforstjórar kvarta undan kjararáði – Þrjú ár frá síðustu hækkun

Ritstjórn Eyjunnar
Mánudaginn 11. júní 2018 08:48

Gissur Pétursson

Gissur Pétursson, sem er formaður forstöðumanna ríkisstofnana og forstjóri Vinnumálastofnunar,  segir í Morgunblaðinu í dag að tugir erinda bíði ákvörðunar kjararáðs, hvers skipunartími rennur út í lok þessa mánaðar. Hann segir að þrjú ár séu frá því að forstjórar ríkisfyrirtækja fengu launahækkun og virðist óttast að ekki náist að hækka laun þeirra í tíma, áður en kjararáð verði lagt niður:

  „Ég veit að það bíða tugir erinda hjá ráðinu sem eru kannski jafnvel eins og hálfs árs gömul. Það er alveg með ólíkindum hvernig þetta stjórnvald hagar sér. Kjararáð ákvað hækkun til stjórnmálamanna, dómara og einhverra örfárra forstjóra stofnana, aðallega stofnana sem eru opinber hlutafélög. Eftir situr langstærstur hópur ríkisforstöðumanna sem hafa ekki einu sinni fengið kjarasamningsbundnar hækkanir núna síðastliðin ár,“

segir Gissur við Morgunblaðið.

Hann segir forstjórana vera afar pirraða yfir þessu ástandi, þeir séu ekki vanir svona vinnubrögðum í stjórnsýslunni. Þá leiði þetta til þess að laun þeirra rýrni og síðan verði reynt að bjarga málunum með skarpri hækkun, sem verði til þess að almenningur fordæmi hækkunina:

„Það er ætlunin að þetta verði ákvörðunarefni kjara- og mannauðssýslu ríkisins en allt það verklag er alveg óklárað. Þess vegna erum við alveg óskaplega pirraðir á þessu. Við erum náttúrlega stjórnendur stjórnvalds og við bara þekkjum ekki svona vinnubrögð, eins og þessi nefnd viðhefur. Ég held að það séu þrjú ár frá síðustu hækkun. Það er það sem gerir þetta erfitt því þá safnast þetta upp og þá er auðvitað bara komin stórkostleg rýrnun og svo reyna þeir að svara því á einhverjum einum tímapunkti með mikilli hækkun sem fer óskaplega illa í fólk og eðlilega.“

Hann bætir síðan við að allir séu komnir með nóg af kjararáði, ekki síst þeir sem heyra undir það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 9 klukkutímum

Segir Ísland hluta af framtíð Bretlands

Segir Ísland hluta af framtíð Bretlands
Eyjan
Fyrir 2 dögum

Messi í messi – stórkostleg stund fyrir Halldórsson og barnabörn hans

Messi í messi – stórkostleg stund fyrir Halldórsson og barnabörn hans
Eyjan
Fyrir 2 dögum

Sigmundur ætlar að gefa Hannesi fálkaorðuna sína

Sigmundur ætlar að gefa Hannesi fálkaorðuna sína
Eyjan
Fyrir 3 dögum

Fagna hertu eftirliti með heimagistingu

Fagna hertu eftirliti með heimagistingu
Eyjan
Fyrir 3 dögum

Umhverfis- og Náttúrustofnun amast við tófuljósmyndara á Hornströndum: „Mikilvægt að gestir svæðisins gefi dýrunum frið“

Umhverfis- og Náttúrustofnun amast við tófuljósmyndara á Hornströndum: „Mikilvægt að gestir svæðisins gefi dýrunum frið“
Eyjan
Fyrir 3 dögum

Brynjar um Pál Magnússon: „Ef þú ert þingmaður flokksins þá styðurðu flokkinn en ekki einhvern klofning út úr honum“

Brynjar um Pál Magnússon: „Ef þú ert þingmaður flokksins þá styðurðu flokkinn en ekki einhvern klofning út úr honum“
Eyjan
Fyrir 3 dögum

Eftir minna að slægjast í Airbnb, samt bætast við íbúðir og eftirlitið fer á kreik

Eftir minna að slægjast í Airbnb, samt bætast við íbúðir og eftirlitið fer á kreik